Ofurfyrirsætan Ashley Graham deildi nektarmynd á Instagram í gær. Það er ekki myndin sem truflar fólk, heldur það sem hún skrifaði með myndinni. Með myndinni skrifaði Ashley: „Nakin stór stelpa.“
https://www.instagram.com/p/CGfQ89Yjbc5/
Fjöldi netverja eru ekki hrifnir af því að Ashley skrifaði „stór“ þar sem þeim þykir hún ósköp venjuleg.
„Ég hata að það sé litið á hana sem „stóra stelpu“. Ég sé bara fallega og náttúrulega konu með línur, ótrúlega kynþokkafulla og kvenlega,“ segir ein kona og hafa um 2400 manns líkað við ummælin.
„Nakin *venjuleg* stelpa,“ segir önnur.
Ashley svaraði og sagði: „Ég skil hvað þú ert að segja. En ef þú horfir á „stór“ sem jákvætt orð sem þú elskar, þá sérðu þetta eins og ég. Ég elska stóra sterka fallega líkamann minn, elska þig stelpa.“
Þrátt fyrir gagnrýni hefur myndin slegið í gegn og fengið yfir 1,4 milljón „likes“, þegar greinin er skrifuð. Ashley er þekkt fyrir aktívisma sinn fyrir líkamsvirðingu. Hún eignaðist sitt fyrsta barn í byrjun árs og hefur verið óhrædd við að deila upplifun sinni af mæðrahlutverkinu.
Sjá einnig: Hreinskilin mynd Ashley Graham: „Þetta hefur verið erfitt“