Svokallaðar fjármögnunarsíður hafa undanfarin ár stutt við bakið á listamönnum, frumkvöðlum og aðgerðarsinnum um allan heim. En hópfjármagnanir á netinu hafa einnig teygt anga sína víðar, inn á önnur og óvenjulegri svæði. Hér má finna dæmi um nokkrar furðulegar, umdeildar og óvenjulegar hugmyndir sem náðst hefur að safna fyrir.
Í maí á þessu ári var Paul Crowther, 32 ára karlmaður frá Newcase ákærður fyrir að henda mjólkurhristing á Nigel Farage, leiðtoga Brexitflokksins. Crowther var í kjölfarið ákærður fyrir árás og skemmdarverk. Var honum gert að greiða bætur upp 350 pund, eða rúmlega 55 þúsund íslenskar krónur.
Fjölmennur stuðningshópur hélt því fram að Crowther væri í raun fórnarlambið í málinu þar sem hann hafði fórnað mjólkurhristingi sem kostaði hann rúmlega 5 evrur, sem samsvarar 800 íslenskum krónum. Í kjölfarið var hrundið á stað söfnun á vefsíðunni GofundMe undir nafninu „Hjálpum Paul Crowther að endurheimta mjólkurhristinginn sinn.“ Eins ótrúlega og það hljómar þá náðist að safna andvirði tæpa 260 þúsund íslenskra króna og er því óhætt að fullyrða að Crowther hafi fengið tjónið bætt- og vel það.
Tölvuleikurinn No Man´s Sky kom út árið 2016. Leikurinn byrjaði sem flopp en höfundunum tókst síðan að uppfæra hann og bæta og í kjölfarið hefur leikurinn öðlast miklar vinsældir. Í júní síðastliðnum tóku aðdáendur leiksins sig til og söfnuðu 4.800 dollurum í gegnum vef GoFundMe svo hægt væri að birta skilaboðin „Takk fyrir“ á risastórt auglýsingaskilti sem staðsett er fyrir utan skrifstofu leikjafyrirtækisins.
Ráðist var á blaðaljósmyndarann Andy Nqo, og hann barinn harkalega fyrir þær sakir að mynda og fjalla um mótmælafundinn Antifa í Portlandi. Antifa dregur nafn sitt af anti-fasisma og er drifið áfram af öfga mótmælendum. Í kjölfarið var sett á stofn söfnun til að fjármagna læknis -og lyfjakostnað sem Nqu varð fyrir en auk þess varð mikið tjón á tæknibúnaði hans. Á einum degi náðist að safna ríflega tvöfaldri þeirri upphæð sem lagt var fyrir í upphafi eða yfir 100.000 dollurum.
Tónlistarhátíð í Englandi skartaði heldur óvenjulegu listaverki en um er að ræða feiknarstórt höfuð söngvarans Lionel Richie. Það tók fjármagnara tvær tilraunir að safna fyrir gerð skúlptúrsins en sem upphaflega var talið að myndi kosta 4,900 evrur en kostnaðurinn átti eftir að hækka heldur mikið og endaði í rúmum 8000 evrum.
Áhugi fólks á íþróttum er engum landamærum háð og það sannaðist heldur betur þegar fótboltaaðdáandi ferðaðist til Íslands alla leið frá Bangladess en að berja eftirlætis lið sitt í fótbolta augum. Maðurinn, Mohammad Sayed Majumder er að eigin sögn einn stærsti stuðningsmaður íslenska fótboltaliðsins og þakkar af alhug söfnunarherferðar Tólfunnar sem gerði honum kleift að fjármagna ferðina en hann er væntanlegur til landsins nú í október þegar Ísland keppir gegn Frökkum.
Hinn svokallaði grillaði Jesus varð að veruleika þökk sé fjáröflun sem undið var af stað. Jú þið lásuð rétt, ristavél með frelsaranum var fjármögnuð svo nú geta strangheiðarlegar brauðætur gætt sér á heilögu brauði með osti og smjöri. Þau Meg Sheehan og Rob Corso hentu sér í herferðina þar sem 286 aðdáendur brauðristarinnar lögðu söfnuninni lið. Alls safnaðist 25,604 dollarar og geta áhugasamir orðið sér úti um græjuna á Amazon.
