Tónlistarmaðurinn Drake borgaði 32 ára konu, Laquana Morris, 350 þúsund Bandaríkjadali, 44 milljónir króna á núverandi gengi, eftir að hún sakaði hann um kynferðisbrot.
Laquana þessi er fyrrverandi fatafella en hefur að undanförnu verið þekkt sem áhrifavaldur á Instagram þar sem fylgjendur hennar eru vel yfir 300 þúsund.
Meint brot átti sér stað í Manchester á Englandi í febrúar 2017 eftir tónleika Drake. Þau fóru saman upp á hótelherbergi og sagði Laquana að Drake að neytt hana til að veita honum munnmök.
Þessar upplýsingar voru gerðar opinberar eftir að Laquana lagði fram kvörtun vegna starfa lögfræðings síns í málinu.
Laquana leitaði til bresku lögreglunnar í júní 2017 vegna málsins en umræddan lögmann réði hún í janúar 2018. Lögreglan aðhafðist ekki frekar vegna málsins vegna skorts á sönnunargögnum. Drake hefur ávallt neitað fyrir það að hafa brotið gegn Laquana og sagt að allt sem gerðist umrætt kvöld hafi verið með samþykki beggja aðila.
Í september síðastliðnum stefndi Drake henni þar sem hún taldi að hún væri að beita hann fjárkúgun. Málið var leyst með samkomulagi án aðkomu dómstóla í nóvember síðastliðnum og virðist niðurstaðan hafa orðið sú að Drake borgaði henni fyrrnefnda 350 þúsund dali.