Aðdáendur Múmínálfanna, sögupersóna bóka Finnlandssænska rithöfundarins og myndlistarkonunnar Tove Jansson eru fjölmargir hér á landi, sem annars staðar.

Bækurnar komu út á árunum 1945-1970 og í kjölfarið fylgdu teikni-, brúðu- og bíómyndir. Skemmtigarður var opnaður 1993 og eins og margir íslenskir aðdáendur vita koma reglulega út bollar, diskar og aðrar vörur fyrir heimilið. Margir eldri bollar fara fyrir stjarnfræðilegt verð í aðdáendahópi á Facebook.

Skemmtilegar eldri myndir af tónlistarkonunni Björk sýna að hún klæddist Múmínálfunum löngu áður en það varð „kúl“ að vera aðdáandi þeirra. Myndirnar eru teknar af hollenska ljósmyndaranum Anton Corbijn, sem myndað hefur fjölmargar stjórstjörnur, þar á meðal Bruce Springsteen, Robert De Niro, Clint Eastwood og U2, svo aðeins nokkrir séu nefndir.