Dómnefndin frá Hvíta-Rússland hefur opinberað hvaða lönd hún gaf stig í fyrri undanriðli Eurovision í samtali við miðilinn Tut. Reglur gilda um það að stigagjöf úr undanriðlunum er ekki gefin upp fyrr en eftir úrslitakvöldið næstkomandi laugardag. Er það gert svo niðurstaðan geti ekki haft áhrif á kosningu á úrslitakvöldinu. Sagt er frá málinu á vef Eurovoix.
Í frétt Tut kemur fram að meðlimir hvít-rússnesku dómnefndarinnar hafa verið sammála um þau þrjú lönd sem hlutu flest stig, en út frá því hvernig hver dómnefndarmeðlimur kaus má áætla að Tékkland, Eistland og Georgía hafi verið þessi þrjú lönd.
Ennfremur opinberar hver dómnefndarmeðlimur fyrir sig hvaða lönd voru í uppáhaldi.
Angelina Mikulskaya segir að hún hafi dregið Hatara frá Íslandi niður í sinni atkvæðagreiðslu en gefið Ástralíu flest stig.
Valeri Prigun setti Eistland, Tékkland og Georgíu í efstu sætin.
Olga Ryzhikova setti Eistland, Georgíu, Ástralíu og Tékkland í efstu sætin.
Artyom Mikhalenko opinberaði ekki hvað var í uppáhaldi en varh rifinn af Georgíu og San Marínó.
Anastasia Tikhanovich gaf Georgíu, Tékklandi, Slóveníu, Eistlandi, Grikklandi og Ástralíu flest stig.
Óvíst er hvort Samband evrópskra sjónvarpsstöðva mun beita refsiaðgerðum vegna þessarar opinberunar hvít-rússnesku dómnefndarinnar.
