Áhrifavaldurinn Patrekur Jaime er ekki feiminn að tala um þær fegrunaraðgerðir sem hann hefur gengist undir. Hann fékk fyrstu varafyllingarnar daginn eftir átján ára afmælið sitt og hefur síðan þá látið reglulega fylla í varir sínar.
Patrekur lét fylla í varir sínar í gær og deildi fyrir og eftir myndum í Instagram Story. Fókus spurði hann út í ferlið.
„Ég fékk mér síðast fyllingar í apríl síðastliðnum og var núna bara að fara til að fá svona „top up“ til að viðhalda þeim,“ segir Patrekur.
Hann segir að þetta hafi alls ekki verið það vont, heldur smá óþægilegt.
Sjá einnig: Patrekur Jaime lifir á tekjum frá samfélagsmiðlum: „Ég þarf alveg að geta lifað lúxuslífinu“
„Ég var bara að fá mér því ég er að fara til Chile í smá tíma og ef ég hefði ekki fengið mér hefði allt farið úr mér og ég vildi það ekki,“ segir Patrekur.
„Ég er að fara að heimsækja pabba og hitta alla föðurfjölskyldu mína í Chile,“ segir Patrekur og kveðst vera mjög spenntur.
https://www.instagram.com/p/B3RzBtNgFi9/
Áhugasamir fylgjendur
Patrekur segist fá mikið af spurningum út í varafyllingarnar á Instagram og að fólk sé mjög áhugasamt um þetta.
Aðspurður hvort honum finnist varafyllingar vera vinsælar á Íslandi í dag svarar hann játandi. „En mér finnst fólk ekkert vera eitthvað að tala um það,“ segir hann.
Sjá einnig: Varafyllingar tröllríða landanum – Sjáðu fyrir og eftir myndirnar
Þó Patrekur sé mjög opinn með það að fá sér varafyllingar þá hefur hann ekki ætíð verið það.
„Fyrst var ég ekki opinn með þetta og ég sagðist ekki hafa fengið mér í smá tíma. En ég veit ekki alveg af hverju ég byrjaði að opna mig um þetta. Held það hafi bara verið því ég var að fá svo margar spurningar þannig ég byrjaði bara að svara þeim og deila minni reynslu eins og hvert ég fer í varir og svona,“ segir hann.
