Leikritið Mamma klikk! hefur vakið mikla lukku í Gaflaraleikhúsinu og uppskorið lof gagnrýnenda. Leikritið er byggt á samnefndri bók eftir Gunnar Helgason, en hann ljóstrar því upp á Facebook að upphaflega hafi átt að sýna leikritið í Þjóðleikhúsinu að beiðni Ara Matthíassonar. Gunnar skrifaði leikgerðina sem var ekki nógu góð og því var hætt við allt saman. Þá tók Björk Jakobsdóttir, leikkona og eiginkona Gunnars, málin í sínar hendur, sótti um styrk, skrifaði leikgerðina og leikstýrði loks verkinu. Nú er það komið á fjalir Gaflaranna og Þjóðleikhúsið varð af góðum bita.
