Ellý Ármanns var gestur í útvarpsþættinum Ísland vaknar á K100 í morgun. Hún var að spá fyrir hlustendum og las meðal annars í tarot spil Þorgerðar Katrínar Gunnarsdóttur, formann Viðreisnar og þingmann.
Ásgeir Páll, útvarpsmaður, segir við Þorgerði Katrínu að þeim langi svo að vita hvort hún verði næsti útvarpsstjóri að þau ákváðu að fá Ellý til að spá fyrir henni.
„Bara svona til að upplýsa ykkur þá er ég ekki að fara að sækja um eitt eða neitt starf,“ segir Þorgerður Katrín.
„Það sem ég er að gera núna er að spá fyrir hlustendum og nú er ég að spá fyrir þér,“ segir Ellý við Þorgerði.
„Ég er að skoða hvað er í framtíðinni hjá þér og núna […] Það kemur fram að þú ert alveg hlaðin verkefnum. Þorgerður þú ert hlaðin verkefnum, það er nóg að gera hjá þér, enn gaman. Það er gaman hjá þér, hér er einn maður, riddari á hvítum hesti,“ segir Ellý.
„Það er talað um að það séu verkefni og þú átt mjög auðvelt með að tækla hvaða verkefni sem verður á vegi þínum. En hér er komið inn á val. Hér er komið inn á val. Þú þarft að velja annaðhvort hægri eða vinstri. Það eru tvö tilboð á borðinu. Eitt nú þegar komið til hennar sem hún má örugglega ekki tala um,“ segir Ellý.
Ellý segir þetta þó ekki snúast um að Þorgerður fari aftur í Sjálfstæðisflokkinn.
„Það er verið að tala um það að nú er draumur hennar að rætast. Þessi kona er sterk og aðlaðandi og hún er félagslynd og hún er með þetta allt. Hún er með öll tromp á hendi, en núna er draumur hennar að fara að rætast. Hún fær heiminn,“ segir Ellý. Hún bætir við að Þorgerður þurfi líka að „hreinsa áður en hún heldur áfram.“
„Og áður en hún stígur inn í þetta á hún eftir að setja sér mörk því fyrri reynslu, hún þarf að hugsa um fyrri reynslu sem var erfið en hún er liðin og þess vegna setur hún sér mörk og hún á eftir að standa sig svo vel að það er dásamlegt.“
Að lokum segir Ellý við Þorgerði: „Haltu áfram að vera þú. Við þurfum fyrirmynd eins og þig.“
„Takk elsku Ellý, ég vildi óska þess að ég gæti faðmað þig í gegnum símann,“ segir Þorgerður.
„Þú ert að því,“ segir þá Ellý.
Horfðu á Ellý spá fyrir Þorgerði í myndbandinu hér að neðan.