Kodi Lee er blindur og einhverfur, hann er einnig sigurvegari fjórtándu þáttaraðar af America‘s Got Talent.
Hann sigraði hjörtu heimsbyggðarinnar í sinni fyrstu áheyrnaprufu og fékk gullhnappinn. Það var ekki þurrt auga í salnum þegar hann spilaði og söng.
Kodi hélt áfram að slá í gegn í undanúrslitum keppninnar. Hann spilaði lagið „Bridge Over Troubled Water“ og eftir flutning sinn sagði dómarinn Simon Cowell að Kodi væri ein ótrúlegasta mannvera sem hefði tekið þátt í keppninni frá upphafi.
Hann komst að sjálfsögðu í næstu umferð og gerði það sama og venjulega, sló í gegn með mögnuðum og tilfinningaríkum flutning.
Í gær var úrslitaþáttur America‘s Got Talent og Kodi Lee steig á svið ásamt söngkonunni Leonu Lewis. Þau sungu lagið „You Are The Reason“ og spilaði Kodi á píanóið. Sjáðu atriðið hér að neðan.
https://www.youtube.com/watch?v=fm2Rj8Lo21s
Sjáðu þegar Kodi var tilkynnt um sigurinn í myndbandinu hér að neðan.
