Ljósmyndarinn og lífsstílsbloggarinn Helgi Ómarsson trúlofaðist sínum heittelskaða, markaðsgúrúinum Kasper Kramer, við Ósaka-kastala í Japan, en turtildúfurnar hafa notið lífsins í Japan síðustu daga eins og lesendur Trendnets hafa fengið að lesa um.
Helgi og Kasper hafa verið saman í nokkur ár og rignir hamingjuóskunum yfir þetta glæsilega par á Instagram, þar sem Helgi birtir mynd af smekklegum trúlofunarhringjunum.
Það er viðeigandi að Helgi og Kasper trúlofi sig við kastalann í Ósaka, því eins og kemur fram í grein á vef Bændablaðsins er kastalinn mikið sameiningartákn Japana og eitt frægasta mannvirki landsins.
Fókus óskar Helga og Kasper innilega til hamingju!
