Heimildarmyndin Leaving Neverland hefur heldur betur hreyft við fólki en í henni segja tveir menn, Wade Robson og James Safechuck, frá því hvernig tónlistarmaðurinn Michael Jackson beitti þá kynferðislegu ofbeldi. Eiga brotin að hafa hafist þegar að Wade og James voru barnungir.
Nú skiptist fólk í fylkingar um hvort sögur Wade og James eru trúverðugar, en þeir höfðu áður varið poppkónginn þegar hann var sakaður um barnaníð og dreginn fyrir dóm á meðan hann var enn á lífi.
Það skapaðist mikið fjaðrafok um helgina þegar að haft var eftir söngkonunni Barbrö Streisand að James og Wade hefðu notið félagsskaps við poppkónginn og að þessi lífreynsla hafi „ekki drepið þá“. Þá setti hún ábyrgðina á foreldrana, en dró síðan ummæli sín til baka og sagðist hafa mikla samúð með Wade, James og fjölskyldum þeirra.
Eftir að Barbra opnaði sig um málið ákvað stórsöngkonan Diana Ross að tjá sig um það á Twitter, en hún og Michael voru perluvinir.
„Þetta hvílir á hjarta mínu þennan morgun. Ég trúi og treysti að Michael Jackson hafi verið og sé stórkostlega ótrúlegt afl fyrir mig og marga aðra,“ tístir hún og bætir við, í anda Supremes: „Stoppið í nafni ástarinnar.“
This is what’s on my heart this morning. I believe and trust that Michael Jackson was and is A magnificent incredible force to me and to many others.
STOP IN THE NAME OF LOVE— Ms. Ross (@DianaRoss) March 23, 2019
