The Sisters Brothers gerist árið 1851 í Oregon og hefst þegar gulleitarmaður er á flótta undan hinum alræmdu leigumorðingjum, Sisters-bræðrunum, Charlie og Eli. Það eru John C. Reilly og Joaquin Phoenix sem leika þá Sisters-bræður en auk þeirra fara Jake Gyllenhaal, Riz Ahmed og Rutger Hauer með önnur hlutverk, en einnig skýtur íslenski leikarinn Jóhannes Haukur Jóhannesson upp kollinum og verður hann sérstakur heiðursgestur sýningarinnar.

The Sisters Brothers er sú nýjasta frá hinum virta franska kvikmyndagerðarmanni Jacques Audiard, hinum sama og gerði til dæmis A Prophet, Rust and Bone og Dheepan. Myndin er byggð á samnefndri metsölubók eftir Patrick DeWitt, en höfundurinn hlaut Stephen Leacock Memorial verðlaunin árið 2012 fyrir grínskrif.

Myndin hefur hlotið toppdóma gagnrýnenda og hafa leikararnir verið hlaðnir lofi úr öllum áttum ásamt dökkum húmor sögunnar. Öruggt er að lofa tilvonandi sýningargestum að hér er engin hefðbundin kúrekamynd á ferðinn.

Á miðvikudaginn, 5. desember, ætlar Fókus að bjóða kvikmyndaáhugafólki og vestraunnendum á myndina The Sisters Brothers.

Um er að ræða lokaða forsýningu í AXL sal Laugarásbíós kl. 19:50 og gefst lesendum tækifæri á því að fá boðsmiða fyrir sig og einn gest, jafnvel fleiri ef heppnin segir til.

Það sem þú þarft að gera er að líka við Facebooksíðu Fókus og tagga vini/vinkonur, maka, vinnufélaga eða þá sem þú vilt taka með þér í bíó (athugið að aldurstakmark er 16 ára).

Við látum þá heppnu vita á miðvikudag.

Þeir sem mæta í bíóið geta tekið þátt í lukkupotti, en daginn eftir bíóið munum við draga nokkra heppna út sem fá glæsilega vinninga. Taktu þátt og fylgstu með Fókus á Facebook.