Þetta er um þrettán prósent aukning frá síðasta ári en ástæðan er talin sú að sala fyrirtækisins var ekki eins mikil og gert hafði verið ráð fyrir.
Reyndar hefur hagnaður fyrirtækisins dregist saman um tæplega 30 prósent á fyrsta ársfjórðungi þessa árs.
Upplýsingafulltrúar H&M hafa sent frá sér yfirlýsingu þess efnis að óseldu fötin verið gefin til góðgjörðarmála eða sett í endurvinnslu ef ekki tekst að selja þau.
Sérfræðingar í markaðsmálum vilja meina að þetta sé ekki eina vandamálið sem sænsku risarnir standa frammi fyrir.
Einn helsti vandi fyrirtækisins stafi meðal annars af því að það hafi verið of seint að leggja áherslu á sölu á varningi í gegnum netverslun og því komið í þá stöðu að elta sambærileg fyrirtæki sem hafi verið fyrri til að bregðast við breyttri neysluhegðun kaupenda.
Sífellt fleiri verslanir og fyrirtæki leggja nú áherslu á sölu í gegnum netið en það allra stærsta, Asos, hefur aukið sölu um 145 prósent á milli ára.
