Samkvæmt upplýsingum úr álagningarskrá hafa bæjar- og sveitarstjórar landsins það ekki slæmt. Fyrir vinnu sína eru þeim greiddar yfir 88 milljónir á mánuði sem nemur ríflega milljarði á ári. Athygli vekur að ekkert samræmi virðist vera á milli launa bæjar- og sveitarstjóra og þess íbúafjölda sem í sveit þeirra býr.
Miðað við höfðatölu þá greiðir hver Reykvíkingur tæpar 15 krónur á mánuði í laun Dags B. Eggertssonar, borgarstjóra Reykjavíkur. Það gera um 179 krónur á ári. Öllu meira greiða íbúar Mosfellsbæjar, 179 krónur á mánuði og 2.143 á ári. Kostnaður á hvern íbúa eykst síðan eftir því sem sveitin er smærri. Íbúar Grundarfjarðar greiða Björgu Ágústsdóttur bæjarstjóra 1.247 krónur á mánuði, eða tæplega 15 þúsund krónur á ári. Gunnar Birgisson er í þriðja sæti yfir hæst launuðu bæjarstjóra landsins. Hver og einn hinna 2.007 einstaklinga sem í Fjallabyggð búa greiðir tæplega 14 þúsund krónur á ári í laun til Gunnars.
Fyrir utan það, að það hlýtur að vekja fleiri en bara blaðamann til umhugsunar þegar bæjarstjóri 2.007 manna sveitarfélags fær greitt 400 þúsund krónum meira á mánuði en borgarstjóri.
