fbpx
Miðvikudagur 22.maí 2024
Eyjan

Hlýða Víði í kjörklefanum? – „Maður bara trúir því ekki að nú eigi að misnota Covid og hetjur þess til að auka fylgið“

Kristinn H. Guðnason
Föstudaginn 10. maí 2024 10:30

Hallgrímur segir fólkið á efstu hæðinni ætla að skipa fólkinu í neðri hæðunum fyrir verkum.

Ekki missa af Helstu tíðindum dagsins í pósthólfið þitt

Lesa nánar

Rithöfundurinn Hallgrímur Helgason er undrandi á því að nú stigi fram hver hetjan úr covid á eftir annarri og lýsi yfir stuðningi við forsetaframboð Katrínar Jakobsdóttur.

„Rýma Grindavík í dag og kjósa Katrínu á morgun? Hvað er að gerast? Eigum við að “hlýða Víði” í kjörklefanum?“ spyr Hallgrímur í færslu á samfélagsmiðlum. Sjálfur er hann yfirlýstur stuðningsmaður Baldurs Þórhallssonar í kosningunum.

Á meðal þeirra sem hafa lýst yfir stuðningi við Katrínu á undanförnum dögum eru Víðir Reynisson sviðsstjóri Almannavarna, Þórólfur Guðnason fyrrverandi sóttvarnarlæknir og Kári Stefánsson forstjóri Íslenskrar erfðagreiningar. Allir spiluðu þeir stóra rullu í baráttunni gegn covid faraldrinum og unnu þá náið með stjórnvöldum og Katrínu Jakobsdóttur. Hafa stuðningsyfirlýsingar sem þessar verið notaðar í auglýsingaefni Katrínar í kosningabaráttunni.

Fólkið á efstu hæðinni skipar fyrir

„Nú vantar bara lögreglustjórana á Suðurnesjum og Reykjavík, og ríkislögreglustjóra að auki. Og hvað með Guðna Th? Fæst hann ekki til að styðja líka? Maður bara trúir því ekki að nú eigi að misnota Covid og hetjur þess til að auka fylgið,“ segir Hallgrímur.

Segir hann þetta lýsa örvæntingu og dómgreindarleysi, sem jafnist nánast á við það dómgreindarleysi að ætla að stökkva beint úr Stjórnarráðinu á Bessastaði með öllum þeim flækjum og fórnarkostnaði sem eftir eiga að koma í ljós.

„Fólkið á efstu hæðinni ætlar að segja fólkinu á neðri hæðunum hvað það eigi að kjósa,“ segir Hallgrímur. „Ef ég þekki þjóð mína, þá lætur hún ekki stjórna sér til þess, þannig að út frá hagsmunum Katrínar skil ég þetta ekki heldur. Eins og ein ágæt kona sagði vel fyrir páska þegar umræðan barst að mögulegu forsetaframboði forsætisráðherra: “Í alvörunni? Er ekkert nema jáfólk í kringum hana?”“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 6 dögum

Þorsteinn Pálsson skrifar: Þeir slá úr og í

Þorsteinn Pálsson skrifar: Þeir slá úr og í
Eyjan
Fyrir 1 viku

Viðtöl við forsetaframbjóðendur: Halla Hrund – Sömu gildi og byggðu upp Ísland eru lykillinn að framtíðinni

Viðtöl við forsetaframbjóðendur: Halla Hrund – Sömu gildi og byggðu upp Ísland eru lykillinn að framtíðinni
Eyjan
Fyrir 1 viku

Kolbrún komin með nóg af bókhaldslykla-kraðaki og segir að borgin eigi ekki að rannsaka sig sjálf í umdeildu málunum

Kolbrún komin með nóg af bókhaldslykla-kraðaki og segir að borgin eigi ekki að rannsaka sig sjálf í umdeildu málunum
Eyjan
Fyrir 1 viku

Viðtöl við forsetaframbjóðendur: Halla Hrund – Endurreisa þarf forgang almennings til orku hér á landi

Viðtöl við forsetaframbjóðendur: Halla Hrund – Endurreisa þarf forgang almennings til orku hér á landi