Verkbannsboðun Samtaka atvinnulífsins á tugþúsundir félaga í VR sem mótsvar við verkfallsboðun 160 starfsmanna ói Leifsstöð var algerlega út úr kortinu og eftir á að gera það mál upp. Finnbjörn Hermannsson, forseti ASÍ, segir Sigríði Margréti Oddsdóttur hafa komið nokkuð vel inn á nýja vettvang og traust ríki gagnvart henni. Verkbannsboðunin gegn VR hafi hins vegar verið út úr kortinu. Finnbjörn er gestur Ólafs Arnarsonar í hlaðvarpi Markaðarins á Eyjunni.

Markadurinn - Finnbjorn Hermannsson - 3.mp4

„Hver og ein persóna hefur sitt sérkenni og það er alveg klárt að það gerir það. Það er líka að nýr einstaklingur kemur með óskrifað blað og svo er það viðkomandi einstaklings að vinna úr því. Ég held að Sigríði Margréti hafi tekist bara mjög vel upp og það er ágætis traust gagnvart henni,“ segir Finnbjörn.

„Halldór Benjamín, hann var farinn að vinna kannski aðeins öðruvísi en hann var líka orðinn reyndari og það voru kannski áður komnir núningar milli einstakra persóna.“

Finnbjörn segir hins vegar útspil SA varðandi verkbann á tugþúsundir VR-félaga sem viðbrögð við verkfallsboðunar starfsmanna á Keflavíkurflugvelli vera nokkuð sem eigi eftir að gera upp. „Þetta er náttúrlega alveg út úr korti, þegar 160 manns boða verkfall, að boða verkfall á 25 þúsunda manns á móti. Við eigum alveg eftir að fara í gegnum það og hvernig við settlum það mál. En það verður bara gert upp milli Alþýðusambandsins og SA. Við getum alveg talast við – og gerum það.