fbpx
Laugardagur 04.desember 2021
Eyjan

Sjáðu muninn milli talninga sem felldi Karl Gauta – Auðum seðlum fækkaði um tólf

Erla Hlynsdóttir
Mánudaginn 27. september 2021 13:29

Karl Gauti hefur kært framkvæmd talningarinnar í Norðvesturkjördæmi til lögreglu.

Ekki missa af Helstu tíðindum dagsins í pósthólfið þitt

Lesa nánar

Ljóst er að talning atkvæða í Norðvesturkjördæmi á eftir að draga dilk á eftir sér. Ingi Tryggvason, formaður yfirkjörstjórnar í kjördæminu, virðist hafa tekið það upp hjá sjálfum sér að endurtelja atkvæðin eftir að tölunum var skilað og hefur hann viðurkennt að atkvæðin voru ekki innsigluð þarna á milli eins og kosningalög gera ráð fyrir.

Karl Gauti Hjaltason hefur kært framkvæmd talningarinnar til lögreglu, en hann féll úr jöfnunarsæti fyrir Miðflokkinn við endurtalninguna. Þá hefur Magnús Norðdahl, oddviti Pírata í kjördæminu, sagst ætla að kæra framkvæmdina til kjörbréfanefndar Alþingis og fara fram á svokallaða uppkosningu sem felur í sér að kosið yrði að nýju í Norðvesturkjördæmi.

Eins og sést hér á meðfylgjandi töflu er nokkur munur milli talninganna tveggja, og sem dæmi þá fjölgar atkvæðaseðlum um tvo í endurtalningunni. Þá fækkar auðum atkvæðaseðlum um tólf milli talninga, en ógildum fjölgar um ellefu.

Viðreisn missir níu atkvæði milli talninga, atkvæðum Sjálfstæðisflokks fjölgar um tíu, Miðflokkur missir fimm en Framsókn fær fimm til viðbótar.

Þessar breytingar voru nóg til þess að riðla röðun jöfnunarmanna í kjördæminu sem svo hafði keðjuverkandi áhrif á röðun jöfnunarmanna um allt land. Fimm þingmenn fóru út, aðrir fimm komu inn og það sem kom Íslandi í heimspressuna – að við værum fyrsta Evrópuþjóðin til að kjósa konur í meirihluta á þingi – var ekki lengur staðreynd. Þingstyrkur hvers flokks breyttist þó ekki.

 

Talningaklúðrið í Norðvestur setti Twitter á hliðina – Karl Gauti og Magnús kæra kosninguna

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Ása Hlín ráðin forstöðumaður markaðsmála hjá Biobú

Ása Hlín ráðin forstöðumaður markaðsmála hjá Biobú
Eyjan
Fyrir 2 dögum

Brynjar kominn með nýja vinnu – Aðstoðar vin sinn Jón

Brynjar kominn með nýja vinnu – Aðstoðar vin sinn Jón
Eyjan
Fyrir 4 dögum

Jóhanna gáttuð á ráðherrakaplinum og að VG hafi gefið eftir umhverfið og loftið – Fjölgun ráðuneyta í ósamræmi við hrunskýrsluna

Jóhanna gáttuð á ráðherrakaplinum og að VG hafi gefið eftir umhverfið og loftið – Fjölgun ráðuneyta í ósamræmi við hrunskýrsluna
Eyjan
Fyrir 4 dögum

Orri Páll verður formaður þingflokks VG

Orri Páll verður formaður þingflokks VG