Gunnhildur Fríða Hallgrímsdóttir birti rétt í þessu færslu á Facebook-síðu sinni þar sem hún tilkynnir að hún gefi kost á sér í varaþingmannsembætti í næstu Alþingiskosningum fyrir Pírata. Gunnhildur býður sig fram í Reykjavíkurkjördæmi.

Gunnhildur hefur verið áberandi upp á síðkastið vegna baráttu sinnar um að fá nýja stjórnarskrá. Hún segist vera þreytt á því að miðaldra þingmenn hlusti ekki á ungt fólk.

„Ég býð mig fram ekki vegna þess að mig „langar“ inn á þing, heldur vegna þess að mín kynslóð sér ekki fyrir sér framtíð vegna aðgerðaleysis stjórnavalda í loftslagsmálum. Þetta er neyðarástand þar sem allir þurfa að leggja hönd á plóg. Samfélagið okkar er sundrað sem aldrei áður. Spilling og vald fyrirtækja hefur aukist á meðan fólk aftengist stjórnmálum og kerfinu. Svarið við þessu er róttækt traust til samfélagsins, ræktun á tengingu okkar við náttúruna, og borgarleg þáttaka eins og aldrei hefur sést áður.“ segir Gunnhildur í færslunni.

https://www.facebook.com/permalink.php?story_fbid=3796448420415868&id=100001522435530