fbpx
Laugardagur 29.janúar 2022
Eyjan

Ögmundur segir réttast að Vinstri græn breyti nafni flokksins

Kristján Kristjánsson
Miðvikudaginn 29. desember 2021 09:00

Ögmundur Jónasson. Mynd: Eyþór Árnason

Ekki missa af Helstu tíðindum dagsins í pósthólfið þitt

Lesa nánar

Í nýrri bók Ögmundar Jónassonar, Rauði þráðurinn, segir hann að gamli flokkurinn hans, Vinstri græn, hafi villst af leið og réttast væri að hann breyti nafninu og hætti að nota bæði vinstri og græn. Bók Ögmundar kemur út í byrjun næsta árs.

Fréttablaðið skýrir frá þessu í dag. Fram kemur að við lestur bókarinnar komi berlega í ljós að Ögmundur sé ekki sáttur við örlög gömlu flokksfélaga sinna sem sitji nú í ríkisstjórn með íhaldinu á nýjan leik.

Hann gagnrýnir harðlega undanslátt og kúvendingu í stefnu VG í utanríkismálum og þykir það vera tímanna tákn að Björn Bjarnason, „helsti forystumaður Nató-vinafélagsins Varðbergs,“ skuli hafa verið fenginn til að skrifa álitsgerð um öryggismál á norðurslóðum í umboði VG.

Ögmundi þykir einnig sem afstaða VG til markaðsvæðingar ESB hafi breyst í grundvallaratriðum og hafði það meðal annars birst í afstöðu flokksins til orkumála. Í tengslum við þetta veltir hann fyrir sér hvort það sé rétt fyrir flokkinn að stytta nafn sitt, sleppa því að nota „vinstri“ og „græn“ og láti aðeins „Hreyfingin framboð“ standa eftir og þar með geti skammstöfunin verið Hf.

Hann gerir einnig upp Icesavemálið sem reyndi mjög á vinstristjórnina, sem var við völd frá 2009 til 2013, og samstarfið við Jóhönnu Sigurðardóttur, þáverandi forsætisráðherra, og Steingrím J. Sigfússon. Hann segist hafa verið harður andstæðingur samningsins ólíkt Jóhönnu og Steingrími en hafi ekki viljað ríkisstjórnina feiga því þá hefðu „auðsveipir málaliðar auðstéttarinnar, nánast volgir úr valdastólunum í aðdraganda hrunsins,“ komist aftur til valda.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Tryggja kaupir Consello
Eyjan
Fyrir 5 dögum

Björn Ingi harðorður í Silfrinu – „Guð forði okkur svo frá því að það komi ný afbrigði um páskana“

Björn Ingi harðorður í Silfrinu – „Guð forði okkur svo frá því að það komi ný afbrigði um páskana“
Eyjan
Fyrir 5 dögum

Hafði ekki sést árum saman – Sendir skýr skilaboð til Kína og Norður-Kóreu

Hafði ekki sést árum saman – Sendir skýr skilaboð til Kína og Norður-Kóreu