Ensku stórliðin Chelsea og Manchester City hafa bæði áhuga á belgíska táningnum Nathan De Cat, sem leikur með stórliði Anderlecht í heimalandinu.

De Cat er 17 ára gamall varnarsinnaður miðjumaður sem hefur vakið mikla athygli fyrir frammistöðu sína með aðalliði Anderlecht.

City og Chelsea hafa verið með útsendara á leikjum Anderlecht síðustu vikur og hafa þeir skilað afar jákvæðum skýrslum til baka.

Bayern Munchen ku einnig fylgjast með gangi mála hjá De Cat.

Athygli vekur að kappinn á aðeins rúmt ár eftir af samningi sínum við Anderlecht. Félagið vill þó fá tæpar 30 milljónir punda fyrir hann.

Þess má geta að De Gat spilaði sinn fyrsta A-landsleik fyrir Belgíu fyrr í vor, til að undirstrika hversu mikið efni hann er.