fbpx
Laugardagur 11.júlí 2020
Eyjan

Segir málið lykta af spillingu vegna aðkomu Össurar – „Samfylkingin sér um sína“

Trausti Salvar Kristjánsson
Fimmtudaginn 25. júní 2020 11:30

Ekki missa af Helstu tíðindum dagsins í pósthólfið þitt

Lesa nánar

„Össur er í Samfylkingunni og Dagur B. Eggertsson er í Samfylkingunni og stjórnar öllu hjá borginni – líka Bs fyrirtækjunum og Strætó. Þetta lyktar sterkt af mikilli spillingu. Ef þetta væri fyrrverandi utanríkisráðherra annars flokks en Samfylkingarinnar þá væri allt logandi í samfélaginu“,segir Vigdís Hauksdóttir, borgarfulltrúi Miðflokksins, við Eyjuna í dag, í tilefni umfjöllunar Morgunblaðsins um kaup Strætó á 14 rafmagnsvögnum frá Kínverska framleiðandanum Yutong, fyrir um milljarða króna, í tilraunaverkefni Reykjavíkurborgar um rafvæðingu strætisvagna.

Sagði hún á Facebook í morgun um málið, að Samfylkingin sæi um sína.

Viðskipti Strætó voru gerð í gegnum Yutong Eurobus Scandinavia AS, sem er norskt dótturfélag hins íslenska fyrirtækis GTGroup ehf., sem einnig er aðaleigandi umboðs Yutong ehf. á Íslandi.
Össur Skarphéðinsson, fyrrverandi formaður og utanríkisráðherra Samfylkingarinnar, er stjórnarformaður Yutong Eurobus Scandinavia AB, umboðsaðila vagnanna, síðan 2018, samkvæmt Morgunblaðinu.

Spilling í útboðsmálum

Vigdís segir við Eyjuna að útboðsmálin hjá borginni einkennist af spillingu:

„Útboðsmál Reykjavíkur eru í molum og þau hönnuð á þann hátt að fyrirfram er ákveðið hver verður valinn samanber Yutong, þar sem útboðunum var breitt í tvígang samkvæmt frétt Morgunblaðsins í dag. Það var mjög mikilvægt fyrir fyrirtækið að fá þennan Strætódíl – því Reykjavík var tilraunadýr fyrir Norðurlöndin. Ég minni á það var mikið basl var að koma vögnunum í notkun og endaði það í skaðabótamáli,“ segir Vigís.

Össur og skandallinn

Vigdís segir aðkomu Össurar enga tilviljun:

„Fríverslunarsamningurinn við Kína skiptir miklu máli fyrir viðskipti milli Ísland og Kína því með honum erum við gluggi inn á EES svæðið fyrir viðskipti frá Kína. Fyrrverandi utanríkisráðherra vissi alveg hvað hann var að gera með því að mynda þessi viðskiptasambönd – en að blanda Strætó inn í dílinn algjörlega órökstutt er skandall.“

Vissu ekki af Össuri

Þess má geta að í umfjöllun Morgunblaðsins segir framkvæmdastjóri Strætó, Jóhannes Svavar Rúnarsson, að hann hafi ekki vitað af því að  Össur Skarphéðinsson væri stjórnarformaður Yutong Eurobus Scandinavia AB og að Össur hefði ekki verið í neinum samskiptum við stjórnendur Strætó um viðskiptin:

„Við höfðum ekki hugmynd um að hann væri í þessu fyrirtæki fyrr en við vígslu verkefnisins við Hörpu.“

Morgunblaðið greinir einnig frá því að Össur hafi ekki viljað tjá sig neitt um málið við blaðið, hvorki um hvernig það kom til að hann fékk starfið, eða í hverju starfið felst.

Eyjan sendi Össuri skriflega fyrirspurn um hvort hann vildi bregðast við ummælum Vigdísar, en svör höfðu ekki borist þegar fréttin fór í loftið.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Eyjan
Fyrir 4 dögum

Kennir Sjálfstæðisflokknum um Káraklúðrið

Kennir Sjálfstæðisflokknum um Káraklúðrið
Eyjan
Fyrir 5 dögum

Fangelsinu á Akureyri lokað til að nýta peningana betur annars staðar

Fangelsinu á Akureyri lokað til að nýta peningana betur annars staðar
Eyjan
Fyrir 1 viku

Pútín birti grein í Morgunblaðinu

Pútín birti grein í Morgunblaðinu
Eyjan
Fyrir 1 viku

Skera verður niður óþarfa kostnað vegna Covid-19 kreppunnar

Skera verður niður óþarfa kostnað vegna Covid-19 kreppunnar
Eyjan
Fyrir 1 viku

Ragnar vill svör – „Á meðan þingheimur sleikir sólina sleikir þjóðin sárin“

Ragnar vill svör – „Á meðan þingheimur sleikir sólina sleikir þjóðin sárin“
Eyjan
Fyrir 1 viku

Dvínandi stuðningur við ríkisstjórnina en þó meirihluti

Dvínandi stuðningur við ríkisstjórnina en þó meirihluti