fbpx
Mánudagur 10.maí 2021
Eyjan

OECD skýrslan sögð „pöntuð“ og ótrúverðug: „Inniheldur marga af blautustu draumum Sjálfstæðisflokksins“

Ritstjórn Eyjunnar
Þriðjudaginn 17. september 2019 14:16

Ekki missa af Helstu tíðindum dagsins í pósthólfið þitt

Lesa nánar

Marínó G. Njálsson, einn stofnenda Hagsmunasamtaka heimilanna, og virkur samfélagsrýnir á Facebook, telur maðk í mysunni hvað varðar nýútkomna skýrslu OECD um Ísland, þar sem staða hagkerfisins er sögð góð. Hafa stjórnvöld stært sig af skýrslunni, en í fyrirsögn fréttar um skýrsluna á vef stjórnarráðsins segir: Lífskjör á Íslandi með því besta sem þekkist

Veltir Marínó upp þeim möguleika í færslu á Facebook að skýrslan hafi verið „pöntuð“ og taka Jæja-samtökin, sem staðið hafa að fjölda mótmæla í gegnum árin, undir orð hans og deila pistlinum. Marínó telur skýrsluna ófullkomna:

„Eftir að hafa lesið skýrsluna, þá velti ég því fyrir mér hve mikið af skýrslunni var rituð í fjármálaráðuneytinu. Einnig furða ég mig á að töluleg gögn eru hluta til nokkuð gömul og hluta til ófullkomin á þann hátt að það vantar mikilvægar samanburðarupplýsingar,“

segir Marínó og minnist skýrslu sem hann segir Seðlabanka Íslands hafa pantað frá Alþjóðagjaldeyrissjóðnum:

„Fyrir hátt í 20 árum pantaði Seðlabanki Íslands skýrslu frá Alþjóðagjaldeyrissjóðnum. Nokkru síðar tók eitt minnsta hagkerfi í heimi með sjálfstæða mynt upp verðbólgumarkmið með fljótandi mynt án þess að undirbúa upptökuna svo nokkru nemur. Franek Razwadowsky, „landstjóri“ AGS á Íslandi, furðaði sig mikið á þessari ákvörðun og þegar honum var bent á að AGS hefði mælt með þessu, þá sagði hann að skýrslan hljóti að hafa verið pöntuð.“

Það sem lagt er til

Marínó telur upp margt sem lagt er til í skýrslunni og rímar fullkomlega við áherslur Sjálfstæðisflokksins:

  • „Hvers vegna dettur OECD í hug að leggja til veggjöld núna, en ekki fyrir tveimur árum? Merkilegt líka, að vitna til eina landsins í heiminum, þar sem allar stærri vegframkvæmdir eru byggðar á veggjöldum, en ekki nágrannanna í Danmörku, þar sem bara allra stærstu framkvæmdir byggja á veggjöldum.
  • Á sama hátt, hvers vegna dettur OECD allt í einu núna að leggja til fækkun öryrkja, en ekki fyrir tveimur árum? Merkilegt að umræða um ný almannatryggingalög séu uppi núna og styðji við viðhorf ríkisstjórnarinnar.
  • OECD vill sameina sveitarfélög, sem vill svo til að ríkisstjórnin hefur lagt til.
  • OECD vill að hlutur sjúklinga í heilbrigðiskostnaði aukist. Eitt af helstu markmiðum Sjálfstæðisflokksins í ansi mörg ár.“

Ótrúverðug skýrsla

Marínó segist ekki geta litið á skýrsluna sem hlutlausa:

„Verð að viðurkenna, að svona skýrslur eru ekki trúverðugar, ef þær gera ekkert annað en að endurspegla óskir stjórnvalda. Ég sá ekki EITT EINASTA atriði í skýrslunni, sem gekk gegn stefnu núverandi stjórnvalda. Kannski yfirsást mér það. Ég get ekki litið á þessa skýrslu OECD sem hlutlaust álit. Til þess fara ráðleggingar hennar of mikið saman við stefnu stjórnvalda. OECD setur niður við það að taka að sér hlutverk senditíkur stjórnvalda, alveg eins og AGS tók að sér að vera senditík Seðlabankans árið 2001. Þessar stofnanir eiga að vera sjálfstæðar í áliti sínu og vera óhræddar við að segja sannleikann.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Frambjóðandi Sjálfstæðisflokksins leggst gegn afglæpavæðingu – „Hvenær gáf­umst við upp á bar­átt­unni við eit­ur­lyfja­barón­ana?“

Frambjóðandi Sjálfstæðisflokksins leggst gegn afglæpavæðingu – „Hvenær gáf­umst við upp á bar­átt­unni við eit­ur­lyfja­barón­ana?“
Eyjan
Fyrir 5 dögum

Bjarni vill framlengja séreignasparnaðarúrræði – „Mikil kjarabót fyrir þúsundir Íslendinga“

Bjarni vill framlengja séreignasparnaðarúrræði – „Mikil kjarabót fyrir þúsundir Íslendinga“
Eyjan
Fyrir 1 viku

Vilhjálmur hjólar í Drífu – „Það er sorglegt að lesa frá forseta ASÍ svona rakalausa þvælu“

Vilhjálmur hjólar í Drífu – „Það er sorglegt að lesa frá forseta ASÍ svona rakalausa þvælu“
Eyjan
Fyrir 1 viku

Svarar Mogganum fullum hálsi : „Fimmtíu milljarða skattahækkun“

Svarar Mogganum fullum hálsi : „Fimmtíu milljarða skattahækkun“
EyjanFastir pennar
Fyrir 1 viku
Vondir embættismenn
Eyjan
Fyrir 1 viku

Fordæmalaust kjördæmaflakk Kolbeins – Á öflugan stuðning í Reykjavík

Fordæmalaust kjördæmaflakk Kolbeins – Á öflugan stuðning í Reykjavík
Eyjan
Fyrir 1 viku

Diljá sækist eftir 3. sæti í prófkjöri Sjálfstæðisflokksins

Diljá sækist eftir 3. sæti í prófkjöri Sjálfstæðisflokksins