fbpx
Fimmtudagur 13.ágúst 2020
Eyjan

Steinunn Ólína: „Hún Kata veit vel hvað hún syngur, þótt fölsk sé“

Ritstjórn Eyjunnar
Mánudaginn 22. júlí 2019 16:10

Ekki missa af Helstu tíðindum dagsins í pósthólfið þitt

Lesa nánar

„Herinn er að koma með 14 milljarðana sína krakkar! Alltaf leggst okkur eitthvað til. Bullandi plús fyrir heimilisbókhald Bjarna og Kötu og tyggjópökkum og nælonsokkum mun rigna yfir Suðurnesin meðan á uppbyggingu hersins á Keflavíkurflugvelli stendur.“

Svo hefst pistill Steinunnar Ólínu Þorsteinsdóttur, leikkonu, í Fréttablaðinu í dag, hvar hún gagnrýnir Katrínu Jakobsdóttur forsætisráðherra harðlega, þar sem aukin umsvif Bandaríkjahers hér á landi samræmist stefnu VG á engan hátt, en Bandaríkjaher og NATO hyggja á 14 milljarða króna uppbyggingu hér á landi á næstu árum, þó svo Ísland kalli sig herlausa þjóð. Kostnaðarþáttaka Íslands verður 400 milljónir króna:

„Katrín friðar- og mannúðarsinni er svo spennt fyrir samstarfinu að hún samþykkir að vippa 300 milljónum úr þróunaraðstoð og leggja í púkk með Nató og Bandaríkjaher. Ríkisstjórn hennar verður að sýna lit og leggja eitthvað af mörkum fyrir 14 milljarðana sem við erum að fá og skítt með það þótt Ísland dragi úr aðstoð við minni máttar. Þá vantar bara 100 milljónir í áætlað 400 milljóna framlag Íslendinga, ég ráðlegg Kötu og Bjarna að vinda aldraða og öryrkja. Kreista úr þeim síðustu dropana,“

skrifar Steinunn og bætir við:

„Græðum á Kananum, þótt það kosti okkur sjálfstæði okkar, sjálfsvirðingu og frelsi sem þjóð. Það er ekkert sem skiptir meira máli en að græða peninga. Það er boðorð þessarar ríkisstjórnar. Græðum, græðum, græðum þótt það kosti okkur æruna, landið og lífið,“

Hún segir einnig að „friðarsinnarnir“ í VG taki vígamönnum Donalds Trump opnum örmum og hvort almenningur viti að NATO mætti geyma hér kjarnavopn ef þeir vildu, samkvæmt 10. grein þingsályktunar um þjóðaröryggisstefnu Íslands frá 2016, hvar segir:

„Að Ísland og íslensk landhelgi sé friðlýst fyrir kjarnavopnum, að teknu tilliti til alþjóðlegra skuldbindinga, í því augnamiði að stuðla að afvopnun og friði af Íslands hálfu.“

Þegar Katrín var ennþá Katrín

Steinunn segir að Katrín hafi fordæmt Trump Bandaríkjaforseta af veikum mætti á dögunum og hafi síðan þvegið hendur sínar með því að varpa ábyrgðinni yfir á almenning, með því að „kalla eftir opinberri umræðu um það sem er löngu handsalað bakvið tjöldin, eða á Guðlaug Þór og samninga sem voru gerðir fyrir hennar tíð.“

Þá spyr Steinunn:

„Muniði þegar hún var ennþá Katrín Jakobsdóttir? Katrín þá var friðarsinni og herstöðvaandstæðingur. Nýja Katrín gekk visvítandi inn í stjórnarsamstarf við Sjálfstæðisflokkinn þrátt fyrir samninga Bandaríkjahers og Nató við Ísland. Hún Kata veit vel hvað hún syngur, þótt fölsk sé.“

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 5 dögum

Segir foreldrum mismunað eftir því hvenær í mánuðinum börn þeirra eru fædd

Segir foreldrum mismunað eftir því hvenær í mánuðinum börn þeirra eru fædd
Eyjan
Fyrir 5 dögum

Fjölskyldur og íþróttamenn látin bíða í óvissu vikum saman – „Stjórnvöld telja málið ekki brýnna en svo“

Fjölskyldur og íþróttamenn látin bíða í óvissu vikum saman – „Stjórnvöld telja málið ekki brýnna en svo“
Eyjan
Fyrir 1 viku

Guðni sendir Líbönum samúðarkveðju

Guðni sendir Líbönum samúðarkveðju
Eyjan
Fyrir 1 viku

Þungar ásakanir á Vegagerðina eftir ógilta samkeppni um brú yfir Fossvog – „Endanleg staðfesting á því hversu rotið þetta er“

Þungar ásakanir á Vegagerðina eftir ógilta samkeppni um brú yfir Fossvog – „Endanleg staðfesting á því hversu rotið þetta er“
Eyjan
Fyrir 1 viku

Mynd dagsins – Sigmundur bjó til regnboga

Mynd dagsins – Sigmundur bjó til regnboga
Eyjan
Fyrir 1 viku

Þorgerður Katrín ræðir Gunnar Smára – Segir marga líta á Viðreisn sem ógn

Þorgerður Katrín ræðir Gunnar Smára – Segir marga líta á Viðreisn sem ógn