Fáar manneskjur hafa orðið uppspretta að fleiri samsæriskenningum en hin unga Greta Thunberg. Maður hefur heyrt alls kyns útlistanir á því hvaða öfl það séu sem eru í rauninni á baki herferð hennar gegn hamfarahlýnun.
En ný kenning slær allt út, nefnilega sú að Greta Thunberg, frægasti unglingur í heimi, sé í rauninni tímaflakkari. Út um alnetið hefur dreifst ljósmynd sem tekin er af þremur börnum við gullleit í Yukon í Kanada árið 1898
Stúlkan til vinstri á myndinni lítur óneitanlega út eins og Greta Thunberg. Hinn einbeitti svipur, nokkuð strangur, og fléttað hárið. Það gefur tímaflakkskenningunni byr undir vængi að ekki er vitað hvað börnin á myndinni heita, en ljósmyndin er tekin af Eric Hegg, sænsk-bandarískum ljósmyndara. Myndin er varðveitt í safni Washington-háskólans í Seattle. Hún mun vera á netinu á stafrænu formi, og þannig gæti hún hafa skotist fram með andlitsleitarhugbúnaði, segir í Guardian.
