fbpx
Laugardagur 15.ágúst 2020
Eyjan

Sigmar sakar ráðherra um vanþekkingu eða vísvitandi aðför: „Má segja að Kristján sé ekki samherji svínabænda“

Ritstjórn Eyjunnar
Miðvikudaginn 20. nóvember 2019 13:15

Ekki missa af Helstu tíðindum dagsins í pósthólfið þitt

Lesa nánar

Sigmar Vilhjálmsson, talsmaður  fé­lags svína­-, eggja­- og kjúk­linga­bænda (FESK), segir Kristján Þór Júlíusson, sjávarútvegs- og landbúnaðarráðherra, annaðhvort illa gefinn eða hafi illt í hyggju gagnvart svínabændum og hygli sjávarútvegi umfram landbúnaði.

Ástæðan sé ný búvöru- og tollalög sem Kristján hefur lagt fram:

„Kristján Þór Júlíusson hefur lagt fram ný búvörulög og tollalög. Annað hvort hefur hann enga þekkingu á stöðu íslensk landbúnaðar eða hann er vísvitandi að gera aðför að svínarækt á Íslandi.“

Hygli sjávarútvegi á kostnað svínabænda

Sigmar segir tímasetninguna hjá Kristjáni undarlega og setur hana í samhengi við tillögur Kristjáns um meinta lækkun veiðigjalda á sjávarútveg:

 „Það er ansi sérstakt að þetta frumvarp sé að koma fram á sama tíma og hann er með tillögur um að lækka veiðigjöld á sjávarútveg til að styðja við íslenskan sjávarútveg. Það má segja að Kristján sé ekki samherji svínabænda á Íslandi,“

segir Sigmar með vísun í Samherjamálið.

Lækkun, eða ekki lækkun ?

Ágúst Ólafur Ágústsson, þingmaður Samfylkingarinnar, fór mikinn á dögunum yfir meintri lækkun á veiðigjöldum á útgerðina og sagði að nú ættu skattgreiðendur að borga með útgerðinni.

Var hann harðlega gagnrýndur fyrir túlkun sína, þar sem ekki væri um lækkun ríkisstjórnarinnar að ræða. Fékk Ágúst Ólafur meira að segja gagnrýni frá kollegum sínum í stjórnarandstöðunni sem sögðu hann fara með fleipur.

Þá svaraði SFS einnig gagnrýni Ólafs:

„Veiðigjald er, og hefur verið, tengd afkomu greinarinnar. Ef launamaður lækkar í launum lækka tekjuskattsgreiðslur hans að sama skapi. Samt sem áður væri beinlínis rangt að halda því fram að hann hafi notið skattalækkunar ef skattprósentan er sú sama. Skatthlutfall veiðigjalds var 33% og verður áfram 33%. Hagnaður fiskveiða fyrir skatt var 33,2 milljarðar árið 2016 en lækkaði í 6,9 milljarða árið 2017. Lækkunin nemur 79%. Svo einfalt er það.“

Sjá nánar: Ágúst er brjálaður:„Eiga skattgreiðendur nú að borga með stórútgerðinni?“

Sjá nánar: Ágúst Ólafur sagður hafa hlaupið á sig – „Ég þooooli ekki svona stjórnmál“ – „Röng framsetning“

Sjá nánar: Segir Björn Leví hafa rassskellt Ágúst Ólaf

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 2 dögum

Ímynd Samherja var svo stórsködduð að hún gat varla orðið verri – Samt er hún orðin það segir Kolbrún

Ímynd Samherja var svo stórsködduð að hún gat varla orðið verri – Samt er hún orðin það segir Kolbrún
Eyjan
Fyrir 3 dögum

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“

Þorsteinn segir bið í næsta Samherja-þátt – „Ég ætla ekki að tjá mig um það á þessu stigi og ætla að láta storminn aðeins lægja eftir þetta“
Eyjan
Fyrir 4 dögum

RÚV fordæmir Samherja – „Helgi Seljan er einn öflugasti rannsóknarblaðamaður landsins“

RÚV fordæmir Samherja – „Helgi Seljan er einn öflugasti rannsóknarblaðamaður landsins“
Eyjan
Fyrir 4 dögum

Helgi Seljan sakaður um lögbrot – Sjáðu þátt Samherja

Helgi Seljan sakaður um lögbrot – Sjáðu þátt Samherja