Þriðjudagur 19.nóvember 2019
Eyjan

Sjáðu íbúðaverðið í fasteignaauglýsingu frá 1979 – „Getið lesið hana eins og hún væri ný“

Ritstjórn Eyjunnar
Miðvikudaginn 9. október 2019 16:00

Ekki missa af Helstu tíðindum dagsins í pósthólfið þitt

Lesa nánar

Fasteignaverð hefur verið í hæstu hæðum undanfarin ár og eiga fyrstu kaupendur í hinu mesta basli við að koma sér þaki yfir höfuðið sökum skorts á litlum ódýrum íbúðum.

Gunnar Smári Egilsson, sósíalistaforingi með meiru, birtir í dag gamla fasteignaauglýsingu frá árinu 1979, eða fyrir 40 árum síðan:

„Ástæðan fyrir því að ég set hana hér er að þið getið lesið hana eins og hún væri ný; upphæðirnar eru í reynd raunvirði dagsins í dag (verðlag hefur hækkað svo síðan að gömlu krónurnar í auglýsingunni eru jafnverðmætar og nýkrónur dagsins í dag).“

Fjórfalt fasteignaverð

Gunnar spyr hvað hafi í raun breyst ?

„Tja, verð á fermetra íbúðarhúsnæðis hefur tvö-, þre- og fjórfaldast á þessum fjörutíu árum. Hver græðir á því? Alla vega ekki almenningur sem þarf að borga tvöfalt, þrefalt eða fjórfalt meira fyrir þak yfir höfuðið. Og það vegur þungt; yfir ævina mun ungt fólk í dag greiða 40 m.kr. meira fyrir meðalstóra íbúð og í raun 80 m.kr. þar sem þessi upphæð er tekin að láni til mjög langs tíma. Það eru um það bil 130 þús. kr. á mánuði ævina á enda, gjald vegna hækkunar húsnæðisverðs frá 1979.“

Árið 1981 var gerð myntbreyting hér á landi þar sem tvö núll voru felld af verðgildi krónunnar og urðu því 100 gamlar krónur að einni nýkrónu. Var þetta meðal annars gert vegna hárrar verðbólgu, sem olli því til dæmis að allar upphæðir í viðskiptum voru orðnar fáránlega háar. Mældist verðbólgan hátt í 40 prósent það árið, en fór hæst í 87.4 prósent árið 1983, sem er Íslandsmet.

Hvað gerðist eiginlega ?

Gunnar rifjaði einnig fyrir skemmstu upp húsnæðisverðið í Breiðholtinu frá árinu 1974 og reiknaði það yfir á núvirði, ásamt því að framreikna neysluvísitölu. Að núvirði kostuðu þær íbúðir mun minna en þær gera í dag:

  • Einstaklingsíbúð, 47 fm. 7,3 m.kr.
  • 2 herb. íbúð, 67 fm. 9,3 m.kr.
  • 3 herb. 85 fm. 10,4m.kr.
  • 4 herb. 122 fm. 12,9 m.kr.
  • 5 herb. 128 fm. 13,2 m.kr.

Til samanburðar má nefna að 40 fermetra, tveggja herbergja íbúð að Kríuhólum 2 kostar í dag 26.9 milljónir króna. Þá kostar 72 fermetra, 3ja herbergja íbúð að Krummahólum 34.9 milljónir. Stór 150 fermetra íbúð á sama stað (5 herbergja) kostar 49.7 milljónir.

Gunnar velti skýringunum fyrir sér:

„Hvað gerðist eiginlega? Af hverju er ekki lengur hægt að byggja svona ódýrar íbúðir? Eða er kannski svona ódýrt að byggja en það er bara smurt svo þykkt ofan á söluverðið í dag?“

Sjá einnig: Sjáðu hvað tveggja herbergja íbúð kostaði árið 1974 að núvirði:„Hvað gerðist eiginlega?“

Lækkun snúist um mannréttindi

Gunnar ber því við að meginkrafa almennings eigi að vera lækkun húsnæðisverðs:

„Til að ná fram lækkun þarf að hrekja lóðabraskara, verktaka (kverktaka), spákaupmenn, leigufyrirtæki og aðra braskara út úr húsnæðiskerfinu. Húsnæði er mannréttindi, ekki markaðsvara og allra síst braskvara.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Segir Björn Leví hafa rassskellt Ágúst Ólaf

Segir Björn Leví hafa rassskellt Ágúst Ólaf
Eyjan
Fyrir 3 dögum

Björgólfur, Íslandsstofa og Samherji

Björgólfur, Íslandsstofa og Samherji
Eyjan
Fyrir 3 dögum

Uppfært 16. nóv: Blaðamannafélagið stefnir Árvakri – Þetta eru verkfallsbrjótarnir

Uppfært 16. nóv: Blaðamannafélagið stefnir Árvakri – Þetta eru verkfallsbrjótarnir
Eyjan
Fyrir 3 dögum

Reykjavíkurborg segir Hagatorg ekki vera hringtorg – „Ekki endilega hringtorg þó að það liggi í hring“

Reykjavíkurborg segir Hagatorg ekki vera hringtorg – „Ekki endilega hringtorg þó að það liggi í hring“
Eyjan
Fyrir 4 dögum

Þorsteinn Már árið 2018: „Nokkuð ljóst að Már Guðmundsson er á leiðinni í fangelsi“

Þorsteinn Már árið 2018: „Nokkuð ljóst að Már Guðmundsson er á leiðinni í fangelsi“
Eyjan
Fyrir 4 dögum

Bæklingur Reykjavíkurborgar vekur spurningar – Sagður áróður í boði skattgreiðenda -„Hvað kostaði prentun og dreifing?“

Bæklingur Reykjavíkurborgar vekur spurningar – Sagður áróður í boði skattgreiðenda -„Hvað kostaði prentun og dreifing?“