Sigmundur Davíð Gunnlaugsson forsvarsmaður Miðflokksins ætlar í mál við þrjá fjölmiðla sem fjölluðu um fjármál hans og eiginkonu hans, Önnu Sigurlaugar Pálsdóttur. Segir Sigmundur Davíð í viðtali í Morgunblaðinu í dag að hann hafi lengi undirbúið málsókn vegna umfjöllunar í Wintris-málinu.

Í gærmorgun var því birtist á forsíðu Fréttablaðsins fyrirsögn þess efnis að Anna Sigurlaug hafi ofgreitt skatta vegna Wintris og í grein í sama blaði fagnaði Sigmundur Davíð úrskurði yfirskattanefndar og sagði það málalok í umræðunni um Wintris. Var fréttinni deilt á samfélagsmiðlum af stuðningsmönnum Sigmundar Davíð og af Fésbókarsíðu Miðflokksins.

Kjarninn birti svo sama morgun  fréttaskýringu upp úr úrskurði yfirskattanefndar með fyrirsögninni Wintris greiddi ekki skatta í samræmi við lög og reglur, birti Kjarninn síðan leiðarann Munurinn á staðreyndum og spuna sem fjallaði um Sigmund Davíð. Síðdegis birti Stundin svo fréttina Leyndu tilvist Wintris og greiddu ekki skatta í samræmi við lög. Í gærkvöldi birti RÚV svo fréttina Horfðu fram hjá Wintris í skattskilum. Þess má geta að sömu miðlar unnu upp úr gögnum frá Mossack Fonseca í samstarfi við Reykjavík Media í fyrra.

Sigmundur Davíð vildi hins vegar ekki nefna fjölmiðlana þrjá sem hann hyggst leita réttar sín gegn:

Sum­ir halda áfram og kunna ekki að skamm­ast sín og slá upp fyr­ir­sögn­um sem eru hrein lygi, eins og ég hef séð á net­inu í dag [í gær]. Ég hef því ákveðið að fylgja mál­um eft­ir og hef sett mig í sam­band við lög­fræðinga til þess að kanna rétt minn gagn­vart þess­um aðilum,

sagði Sigmundur Davíð. Hann ætlar að bíða með málshöfðun fram yfir kosningar, en hann segir undirbúningsvinnuna þegar hafna:

Því það eru tak­mörk fyr­ir því hvað maður get­ur lengi setið und­ir hrein­um ósann­ind­um, áróðri sem er far­inn út fyr­ir öll mörk, ekki bara vel­sæm­is­mörk, held­ur mörk alls sem á nokkuð skylt við sann­leik­ann.