Uppljóstrarinn Chelsea Manning verður látin laus úr fangelsi í næstu viku en hún hefur setið þar í tæplega sjö ár. Manning var dæmd í 35 ára fangelsi fyrir að hafa lekið rúmlega 700.000 leyniskjölum til Wikileaks árið 2010. Eitt af síðustu embættisverkum Barack Obama forseta var að stytta dóm hennar. Að sögn embættismanna í Hvíta húsinu verður hún látin laus 17. maí.
Sjá frétt: Chelsea Manning verður látin laus í næstu viku
Birgitta Jónsdóttir þingmaður Pírata fagnar þessu á Fésbók í dag, segir hún að Chelsea Manning sé ein hugrakkasta manneskja sem hún hafi kynnst. Segir Birgitta að Chelsea hafi fórnað miklu fyrir Ísland:
Hennar fórnir fyrir okkur Íslendinga eru meiri en margur er meðvitaður. Það kom fram í dómnum yfir henni að hún hefði lagt áherslu á að mikilvæg gögn sem tengdust Icesaveyrðu sett fyrst út í þessum mikla gagnaleka, því henni blöskraði hvernig stórveldi níddust á örþjóð í krafti stærðar sinnar,
segir Birgitta. Hún bætir við:
„Hún losnar loks úr fangelsi eftir að hafa sætt pyntingum í heilt ár, eftir að hafa verið sá afhjúpandi í bandarískri sögu sem lengst hefur setið bak við lás og slá í herfanglesi frá því að hún var rétt rúmlega tvítug. Hún losnar úr fanglesi á þjóðhátíðardag Norðmanna 17.maí.“
