Ellen DeGeneres hefur sætt harðri gagnrýni undanfarnar vikur eftir að samfélagsmiðlastjarnan Nikkie de Jager opnaði sig um upplifun sína í þætti Ellen. Í kjölfarið hafa komið fram margar sögur um starfshætti hennar og karakter á Twitter.
Sjá einnig: Opnar sig frekar um hræðilega upplifun hjá Ellen DeGeneres – Mátti ekki nota klósettið
Þetta byrjaði á því að grínistinn Kevin T. Porter bað netverja á Twitter um sögur þeirra af Ellen Degeneres.
Right now we all need a little kindness. You know, like Ellen Degeneres always talks about! 😊❤️
She’s also notoriously one of the meanest people alive
Respond to this with the most insane stories you’ve heard about Ellen being mean & I’ll match every one w/ $2 to @LAFoodBank
— Kevin T. Porter (@KevinTPorter) March 20, 2020
Viðbrögðin létu ekki á sér standa og fór fjöldi fyrri starfsmanna Ellen ófögrum orðum um stjörnuna. Þeir sögðu meðal annars að Ellen sé mjög viðkvæm fyrir vondri lykt og sé alltaf með skál af tyggjói fyrir utan skrifstofuna. Ef fólk vill tala við hana þarf það að fá sér tyggjó úr skálinni.
Þjónustufólk sem hefur afgreitt hana steig einnig fram á Twitter og sagði hana níska og dónalega. Rúmlega 2200 manns hafa skrifað við færsluna.
Nú hefur fyrrum samstarfsmaður Ellen stigið fram og sagt að orðrómurinn sé sannur, Ellen er ekki eins vingjarnleg og hún vill að fólk haldi. New York Post greinir frá.
„Allar sögurnar eru sannar! Er hún alltaf vingjarnleg? Nei. Það pirrar mig að fólk haldi að hún sé alltaf svo yndisleg,“ segir heimildarmaður New York Post.
Síðustu mánuðir hafa verið ansi strembnir fyrir Ellen. Í apríl var hún harðlega gagnrýnd fyrir ummæli sem hún lét falla um COVID-19. Hún sagði að það væri „eins og að vera í fangelsi“ að vera í sóttkví.
„Ég segi þetta aðallega þar sem ég er búin að klæðast sömu fötunum í tíu daga samfleytt og allir hérna inni eru samkynhneigðir.“