Samfélagsmiðlastjarnan Nikkie de Jager opinberaði leyndarmál sitt í janúar eftir að hafa sætt hótunum og kúgunum. Hún greindi frá því í myndbandi á YouTube að hún væri trans.
Í kjölfarið fór hún í viðtal til Ellen DeGeneres og vakti viðtalið mikla lukku. Hins vegar var upplifun Nikkie ekki eins jákvæð og hún leit út fyrir að vera. Nikkie greindi fyrst frá því í viðtali í hollenska spjallþættinum De Wereld Draiit Door að Ellen hafi ekki verið eins vingjarnleg og hún hélt.
Nikkie sagði að Ellen hafði ekki heilsað henni og að þáttur Ellenar hafi verið „kaldur og fjarlægur.“
Ummæli Nikkie vöktu mikla athygli og kepptust fjölmiðlar um heim allan að fjalla um málið.
Nú hefur Nikkie opnað sig meira um upplifun sína í spjallþætti Ellen DeGeneres. Pop Crave greinir frá því á Twitter.
NikkieTutorials talks to &C Magazine about being mistreated on the Ellen DeGenerous show:
“Every guest at Ellen had a private toilet, but I didn’t. I couldn’t even use the closest toilet to me because it was reserved for the Jonas Brothers…” pic.twitter.com/UkOMXW391B
— Pop Crave (@PopCrave) April 16, 2020
Í forsíðuviðtali við hollenska tímaritið &C segir Nikkie að henni hafi verið meinaður aðgangur að klósetti fyrir þáttinn.
„Kannski er ég barnaleg, en ég bjóst við að það yrði tekið á móti mér með konfettí: Velkomin til Ellen DeGeneres! En í staðinn tók á móti mér reiður starfsnemi sem var örugglega búinn að vinna yfir sig. Ég bjóst við Disney þætti, en það sem ég fékk var líkara „Teletubbies eftir myrkur“,“ segir Nikkie.
„Allir gestir þáttarins fengu eigið klósett, en ég fékk það ekki. Ég fékk ekki einu sinni að nota klósettið sem var næst mér því það var tekið frá fyrir Jonas Brothers. Þeir fengu að nota það, en ekki ég. Svo þegar ég hugsa til baka, mitt viðtal fékk átta milljón áhorf, þeirra fékk aðeins tvö milljón. Ha!“
https://www.instagram.com/p/B-9Q-a7BIGD/?utm_source=ig_embed
Ellen DeGeneres hefur ekki tjáð sig um málið.