Sunnudagur 08.desember 2019
Bleikt

Svona komst hún að því að eiginmaðurinn hélt fram hjá henni: „Ég hljóma eins og klikkuð tík, en þetta virkaði“

Guðrún Ósk Guðjónsdóttir
Þriðjudaginn 19. nóvember 2019 13:45

Jess. Mynd: YouTube

Ekki missa af Helstu tíðindum dagsins í pósthólfið þitt

Lesa nánar

Jess er 28 ára áhrifavaldur á YouTube. Hún hefur verið gift tvisvar sinnum og á fimm börn. Hún hefur verið á YouTube í áratug og er með yfir milljón áskrifendur á YouTube-rásinni JesssFam, sem snýst um fjölskyldulíf hennar, og 155 þúsund fylgjendur á JustJesss rásinni, sem fjallar mestmegnis um hana.

Í nýlegu myndbandi segir hún frá því hvernig hún komst að því að fyrrverandi eiginmaður hennar var að halda fram hjá henni. Þetta gerðist árið 2011 þegar hún var átján ára, átti eins árs gamalt barn, var ólétt af tvíburum og nýgift.

11.11.11

Jess og fyrrverandi maðurinn hennar giftust þann 11. nóvember 2011. Hún komst að því að hann væri að halda fram hjá henni þann 7. desember 2011. Svona komst hún að því.

„Ég tók eftir mörgum skrýtnum viðvörunarmerkjum um viku áður en ég komst að framhjáhaldinu. Hann var mjög skrýtinn varðandi símann sinn og hvenær ég mátti sjá hann,“ segir hún og útskýrir hvernig hann skildi stundum símann sinn eftir á glámbekk og svo á öðrum tímum var hann mjög harður á því að hafa hann í vasanum. Tók símann úr vasanum, sendi skilaboð og svo aftur í vasann. „Svona litlir hlutir eins og þetta. Stelpur, ekki láta viðvörunarmerkin fara fram hjá ykkur,“ segir hún.

„Það eru komin átta ár síðan, þetta er áður en allir áttu iPhone. Hvorugt okkar átti iPhone, og það er gott því forritið sem ég notaði myndi ekki nota á iPhone. Það er mjög furðulegt hvernig þetta gekk upp. Ég vildi ekki viðurkenna þetta fyrir sjálfri mér, sérstaklega þar sem ég var nýgift og ólétt af tvíburum. Ég held ég hafi verið að skýla mér frá raunveruleikanum með því að láta eins og ekkert væri að gerast.“

Jess var viss um að maðurinn hennar væri að senda hjákonu sinni skilaboð. En hann eyddi jafnóðum skilaboðunum eða leyfði henni ekki að skoða símann. Hún leitaði á Google hvort það væri einhver möguleiki að sjá smáskilaboð hjá fólki. „Þá kom upp þessi vefsíða sem hét spybubble.com,“ segir hún.

Njósnaforrit

„Af einhverri ástæðu ákvað ég að slá til. En þessi vefsíða hélt því fram að hún gæti lesið smáskilaboð, séð yfirlit símtala og klukkan hvað allt gerðist, og á hverjum 15 mínútum tók síðan upp um mínútu af hljóði. Það tók myndir á hverjum fimm mínútum. Þetta var örugglega ólöglegt,“ segir hún.

„Ég hljóma eins og klikkuð tík, en þetta virkaði.“

Hún útskýrir hvernig hún setti forritið upp í símanum hans, án þess að hann tæki eftir því.

„Næsta skref var að bíða eftir því að eitthvað færi að gerast,“ segir Jess og tekur það fram að henni finnst hún ekki hafa gert neitt rangt. „Ef þú hefur ekkert að fela, hverju skiptir það?“

Hún setti upp forritið í símann hans um morguninn og fór svo í skólann. Fimmtán mínútum eftir að hún mætti í skólann byrjaði hún að sjá skilaboðin sem hann var að senda.

„Um leið og ég las skilaboðin vissi ég að hann væri að halda fram hjá mér,“ segir hún.

Beið eftir réttu augnabliki

Jess ákvað að segja ekki neitt strax, og eftir að skilaboðin urðu grófari fékk hún vinkonu sína til að hjálpa sér. Henni langaði að góma hann í miðjum klíðum, því hún segir hann vera mjög stjórnsaman og geta talað sig auðveldlega úr erfiðum aðstæðum. En ef hann væri gripinn glóðvolgur þá gæti hann ekki neitað fyrir framhjáhaldið.

„Ég var svo hrædd. Ég er ekki hrifin af ágreiningi og var mjög stressuð. Ég sendi skilaboð á vinkonu mína og spurði hvort hún vildi koma með, og hún var til. Við fórum á hennar bíl og vorum fljótt komnar heim,“ segir Jess.

Hún lýsir atburðarásinni.

„Um leið og ég opna hurðina sé ég hann. Hann stóð með buxurnar á hælunum og var að girða upp um sig nærbuxurnar. Þegar hann sá mig var hann svo hissa. Ég mun aldrei gleyma svipnum hans. Ég spurði: „Hvað ertu að gera?“ Hann sagði: „Hérna, þetta er frænka mín, þú hefur hitt hana.“ Frænka hans… Hann var ekki að ljúga. Þetta var frænka hans,“ segir Jess.

Hún segir frænkuna ekki hafa verið blóðskylda honum, en frænka hans samt sem áður. „Hún kom í brúðkaupið okkar, ég held ég þurfi ekki að segja meira. Á þessum tímapunkti sagði ég: „Ég veit hver þú ert, komdu þér út úr húsinu mínu.“ Hún stökk af stað og var komin út á núll einni.“

Jess segir að maðurinn hennar hafi reynt að láta eins og ekkert væri. En hún sagði honum að koma sér út.

„Ég sagði að ég vissi hvað hann hefði gert, að ég hefði séð skilaboðin […] Hann horfði á mig, tók giftingahringinn af sér og rétti mér. Við töluðum ekki saman aftur fyrr en þremur mánuðum seinna. Rétt áður en tvíburarnir fæddust,“ segir Jess.

„Það er eitt að það sé haldið fram hjá manni, það er annað þegar maður er óléttur af börnum manneskjunnar […] Þetta var erfitt. Þetta var örugglega erfiðasta tímabil ævi minnar, tilfinningalega séð.“

Horfðu á hana segja söguna hér að neðan.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Bleikt
Fyrir 4 dögum

Refsaði dóttur sinni með því að taka yfir Instagram síðu hennar – Varð vinsælli en hún

Refsaði dóttur sinni með því að taka yfir Instagram síðu hennar – Varð vinsælli en hún
Bleikt
Fyrir 4 dögum

Það sem Lionel Richie finnst í alvöru um samband Sofiu og Scott Disick

Það sem Lionel Richie finnst í alvöru um samband Sofiu og Scott Disick
Bleikt
Fyrir 5 dögum

Helga er í opnu sambandi: Skömm, ótti og sektarkennd – „Hvað gerir maðurinn, þessi flotti maður sem ég á?“

Helga er í opnu sambandi: Skömm, ótti og sektarkennd – „Hvað gerir maðurinn, þessi flotti maður sem ég á?“
Bleikt
Fyrir 5 dögum

45 ára leikkona gagnrýnd fyrir bikinímynd – Svarar á stórkostlegan hátt

45 ára leikkona gagnrýnd fyrir bikinímynd – Svarar á stórkostlegan hátt
Bleikt
Fyrir 1 viku

Hún komst að því að eiginmaðurinn var að halda framhjá – Með öðrum karlmanni

Hún komst að því að eiginmaðurinn var að halda framhjá – Með öðrum karlmanni
Bleikt
Fyrir 1 viku

Fór í fitusog aðeins sex vikum eftir fæðingu sonar síns

Fór í fitusog aðeins sex vikum eftir fæðingu sonar síns
Bleikt
Fyrir 1 viku

„Ég gómaði eiginmann minn stara á brjóst dóttur okkar – Ætti ég að hafa áhyggjur?“

„Ég gómaði eiginmann minn stara á brjóst dóttur okkar – Ætti ég að hafa áhyggjur?“
Bleikt
Fyrir 1 viku

Áhrifavaldar sem vildu eitthvað frítt og það komst upp um þá

Áhrifavaldar sem vildu eitthvað frítt og það komst upp um þá

Tarot Spil

Veldu þér spil og sjáðu spádóm þinn.