Yoane Wissa hefur tjáð sig um gríðarlega óhugnanlegt atvik sem gerðist árið 2021 er hann var leikmaður Lorient í Frakklandi.

Wissa er 28 ára gamall sóknarmaður og spilar með Brentford en ráðist var á hann á heimili sínu nokkrum dögum áður en hann hélt til Englands.

Kona sem er kölluð ‘Laetita P’ er í varðhaldi lögreglu fyrir þessa árás en hún gæti átt yfir höfði sér 30 ár á bakvið lás og slá.

Wissa opnaði dyrnar heima hjá sér til að gefa konunni eiginhandaráritun áður en hún kastaði sýru í andlit leikmannsins sem hefði auðveldlega getað misst sjónina.

Sem betur fer þá náði Wissa að jafna sig og var konan handtekin en hún er einni ásökuð um að hafa reynt að ræna barni leikmannsins.

,,Ég opnaði dyrnar og fékk vökva í andlitið. Ég öskraði hátt og gat ekki andað,“ sagði Wissa um það sem átti sér stað.

,,Eiginkona mín hringdi í neyðarlínuna og þau sögðu mér að fara undir sturtuna og skola augun“

,,Á spítalanum þá var mér tjáð að augun væru illa farin. Einhver þurfti að koma og hreinsa þau á klukkutíma fresti.“

,,Þetta var algjör martröð. Ég verð hræddur í hvert skipti sem ég heyri hljóð og það eina sem hélt mér gangandi er að börnin okkar eru óhullt.“

,,Ég þurfti að gangast undir aðgerð á báðum augum og læknirinn sagði við mig að ég þyrfti að nota augndropa allt mitt líf. Það tók sex mánuði fyrir mig að sjá eðlilega.“