Fréttatilkynning frá FM95Blö:

Það eru komin 14 ár síðan útvarpsþátturinn FM95BLÖ hóf göngu sína. Og þið vitið hvað gerist þegar maður verður fjórtán ára – ferming – og þess vegna verður blásið af öllu partý-afli í fermingarveislu lúðrana laugardaginn 31.maí 2025 – og miðasala hófst kl.9:57 í dag á Tix.is.

FM95Blö halda ekki partý nema þeir séu 100% vissir um að toppa það síðasta – það er boðorð hjá fermingardrengjunum. Þeir lofa því stærstu og flottustu tónleika-sýningu sem Ísland hefur séð; ljós, hljóð og umgjörð verða í sérflokki og ekkert til sparað!

Hinn gríðarlega vinsæli skemmtikraftur Timmy Trumpet mætir í fyrsta sinn til Íslands og ætlar að rífa þakið af Höllinni. Þeir sem hafa séð hann á tónleikum vita hversu mikla orku hann setur í hvert show og allir sammála um að enginn sé betri á sviði en hann. Timmy er einn allra vinsælasti plötusnúður heims með yfir fjóra og hálfa milljón fylgjendur á TikTok, hefur komið fram á Tomorrowland, Lollapalooza og fjölda annarra tónlistarhátíða og lagið hans „Freaks“ er með yfir milljarð streyma! Að upplifa Timmy Trumpet á tónleikum er eitthvað sem enginn má missa af.

AXMO, geggjaða DJ-teymið með yfir 350 milljón streymi á Spotify munu einnig trylla lýðinn.

En það er ekki allt! Þeir fá til liðs við sig súperstjörnur og góða vini – Herra Hnetusmjör, Jóhanna Guðrún, Sverrir Bergmann, Sveppi og lækna systkinin DJ Eva Mey og Doctor Victor, svo þið verðið í öruggum höndum!

Að auki verður tilkynnt um leynigesti þegar nær dregur tónleikunum – mælt er með því að fólk fylgist með á viðburðinum á Facebook.

Ekki missa af skemmtilegustu tónleikum fyrr og síðar í Laugardalshöllinni, 31. maí 2025. Þetta verður stærsta show sem fermingar drengirnir í FM95BLÖ hafa nokkurn tímann haldið.