Chelsea þarf að selja leikmenn fyrir um og yfir 100 milljónir punda til að komast í gegnum FFP kerfið.

Ljóst má vera að Chelsea nær ekki Meistaradeildarsæti og félagið þarf fjármagn.

Chelsea hefur eytt um og yfir milljarði punda í leikmenn frá því að Todd Boehly tók yfir félagið.

Nú segja enskir miðlar að Chelsea horfi í það að selja leikmenn og einn þeirra er Romelu Lukaku, 35 milljóna punda klásúla er í samningi hans.

Ian Maatsen er á láni hjá Dortmund og verður til sölu í sumar.

Þá er það nefnt að Chelsea geti skoðað það að selja bæði Reece James og Conor Gallagher sem báðir eru uppaldir leikmenn.

Sala á þeim kemur inn sem hreinn hagnaður en þannig virkar FFP kerfið þegar kemur að uppöldum leikmönnum.