Pep Guardiola, stjóri Manchester City, segir að hann yrði ‘drepinn’ ef félagið væri að eyðá eins háaum upphæðum í leikmenn og Chelsea hefur gert undanfarna tvo glugga.

Chelsea er nálægt því að eyða milljarð punda í leikmenn á stuttum tíma eftir að Todd Boehly eignaðist félagið.

City var lengi það lið sem fólk talaði um þegar kom að peningaeyðslu en félagið harðneitar að yfirborga fyrir leikmenn og það hefur sést í gegnum tíðina.

Englandsmeistararnir eru að leita að leikmönnum fyrir þetta tímabil en ætla ekki að láta plata sig út í vitleysu eins og önnur félög eiga til að gera.

,,Ég gæti ekki verið hérna fyrir framan ykkur ef ég hefði eytt því sama og Chelsea síðustu tvo glugga – þið mynduð drepa mig,“ sagði Guardiola.

,,Þið mynduð ganga frá mér, það er á hreinu. Við værum gagnrýndir endalaust. Við þurfum að sjá hvað gerist á markaðnum og sjá hvað við getum borgað sem er sanngjarnt.“

,,Við vildum fá Harry Maguire en keyptum hann ekki því við vildum ekki borga upphæðina, við vildum fá Marc Cucurella en neituðum að borga, við vildum Alexis Sanchez en neituðum að borga.“

,,Að lokum þá borgum við sanngjarna upphæð, annars erum við með akademíuna. Fólk þarf að breyta sinni skoðun – öll félög eyða peningum, miklum peningum, ekki bara Manchester City.“