Ben Foster, fyrrum markmaður Manchester United, var ekki hrifinn af vinnubrögðum félagsins í sumar.

David de Gea er farinn frá Man Utd eftir 12 ár hjá félaginu en samningur hans rann út í byrjun sumars.

Man Utd bauð De Gea nýjan samning til að byrja með en dró það boð svo til baka og er búið að fá Andre Onana í sínar raðir sem verður nýr aðalmarkvörður.

Foster segir að Man Utd hafi sýnt De Gea litla virðingu og að hann hafi átt skilið meira eftir að hafa skrifað undir hjá félaginu 2011.

,,Ég var alls ekki hrifinn af því hvernig þeir létu De Gea fara, langt því frá,“ sagði Foster í samtali við Caught Offside.

,,Miðað við það sem hann hefur gert fyrir félagið öll þessi ár þá átti hann skilið meiri virðingu. Fótboltinn sýnir litla miskunn.“