Leandro Trossard hefur skrifað undir fjögurra og hálfs árs samning við Arsenal með möguleika á einu auka ári.
Arsenal hefur staðfest komu leikmannsins.
Trossard getur spilað úti á kanti og í fremstu víglínu, sem og fyrir aftan framherja. Hann er með leikheimild og getur mætt Manchester United á sunnudag.
Arsenal greiðir 27,5 milljón punda fyrir Trossard sem var að verða samningslaus í sumar.
Arsenal ætlaði upphaflega að fá Mykhailo Mudryk í þessum mánuði en hann hélt til Chelsea á ögurstundu.
Á þessari leiktíð hefur Trossard skorað sjö mörk og lagt upp þrjú í sextán leikjum með Brighton í ensku úrvalsdeildinni.
North London's newest arrival. pic.twitter.com/utp1apPmmv
— Arsenal (@Arsenal) January 20, 2023
