Það er útlit fyrir að Leandro Trossard sé á leið frá Brighton til Arsenal. Það gæti gerst í dag.
Fréttir af þessu bárust í morgun. Arsenal missti af Mykhailo Mudryk til Chelsea á dögunum og er útlit fyrir að plan B sé Trossard hjá Brighton. Samningur hans rennur út í sumar og ætti hann því að vera fáanlegur á góðu verði.
Trossard hefur þegar samið um persónuleg kjör hjá Arsenal. Hann mun skrifa undir langtímasamning. Nú þurfa félögin því bara að ná saman um kaupverð.
Viðræður ganga mjög vel og gæti Trossard orðið leikmaður Arsenal í dag.
Trossard er 28 ára gamall. Belginn getur spilað úti á kanti og fyrir aftan framherja.
Á þessari leiktíð hefur Trossard skorað sjö mörk og lagt upp þrjú í sextán leikjum með Brighton í ensku úrvalsdeildinni.
More on Trossard deal scoop. Been told tslks are very advanced as Arsenal are prepared to close tje deal in the next hours. Not early stages but progressing fast for permanent move. ⚪️🔴 #AFC
Full agreement reached on personal terms, it will be long-term contract for Trossard. pic.twitter.com/U30QWziaB7
— Fabrizio Romano (@FabrizioRomano) January 19, 2023
