Leiknir Reykjavík mátti þola 9-0 tap gegn Víkingi Reykjavík í Bestu deild karla í gær.
Það er þó engan bilbug að finna á Sigurði Heiðari Höskuldssyni, þjálfara Leiknis, þrátt fyrir tapið.
Leiknir er enn í hörkubaráttu um að halda sæti sínu í deildinni. Sigurður segir markmiðin skýr. Hann sendi stuðningsmönnum liðsins skilaboð á Twitter nú fyrir stuttu.
„Mun aldrei gleyma stuðningnum í stúkunni í gær fram að lokaflauti. Leiknishjartað er stórt en það stækkaði um helming í gær,“ skrifar Sigurður.
„Við munum gefa allt sem við eigum það sem eftir er. Markmiðið er skýrt.“
Leiknir er í neðsta sæti Bestu deildarinnar með 14 stig, tveimur stigum á eftir FH, sem er í tíunda sæti.
Mun aldrei gleyma stuðningnum í stúkunni í gær fram að lokaflauti. Leiknishjartað er stórt en það stækkaði um helming í gær.
Takk #ghettoboys111 og allt Leiknisfólk.
Við munum gefa allt sem við eigum það sem eftir er. Markmiðið er skýrt.#stoltbreiðholts#fotboltinet pic.twitter.com/hfEG5j1IZ7— Sigurður Höskuldsson (@SHoskulds) September 8, 2022