„Ég er svo óendanlega þakklát að hafa loksins komist til sérfræðings og ég hlakka svo til að upplifa lífið hugsanlega verkjalaus! Þvílík gjöf og gæfa,“ skrifar söngkonan í einni af nokkrum einlægum færslum sem hún birti á Instagram í gær og í morgun. Hún opnar sig um veikindin, kvíðann fyrir aðgerðina, einmanaleikann eftir hana og vonina um að sársaukalaust líf taki við en verkirnir hafa verulega háð henni lengi.
„Mörg ár af krónískum sársauka, slæmir samgróningar eftir tvo bráðakeisara og alls konar annað. Sjúkdómsgreiningar sem myndu gera mig fullkomna fyrir Dr House þátt. Ég ætla ekki að sætta mig við leg sem veldur mér sársauka!“ skrifaði Þórunn Antonía við myndband á Instagram.
View this post on Instagram
Söngkonan birti einnig nokkrar myndir af sér í samstæðu hvítu blúndunærfatasetti og sagðist ekki ætla að láta þessa aðgerð koma í veg fyrir nein vinnuplön. „Ég fer alltaf vel með mig og heilsan er mér allt,“ segir hún.
View this post on Instagram
Fjöldi fylgjenda Þórunnar Antoníu hafa skrifað við færsluna og óskað henni skjóts bata.
Í morgun birti hún svo aðra færslu þar sem hún ræddi nánar um aðgerðina og ástæðuna fyrir því að hún gekkst undir hana.
„Annar eggjaleiðari var grafin upp við kviðvegg, leg fast upp að nafla og fleiri líffæri mætt í þetta hópknús. Ég er ekki á sjúkrahúsi því ég fór á einkarekna stofu, Klíník Ármúla, eina sérfræðingi í þessum málum á Íslandi. Jón Ívars, ef ekki bestur í heimi. Ég er ótrúlega kvalin, aum á sál og kvið en veit að þetta mun verða mikil lífsbjörg. Ég var of lasin til að fara heim og er á sjúkrahóteli – fyrrum Hótel Íslandi. Ég kannski tek nokkrar verkjatöflur og þykist vera í ungfrú Ísland ef mér byrjar að leiðast. Nú er allt á leið upp,“ skrifar hún.
Færsluna má lesa í heild sinni hér að neðan.
View this post on Instagram
Við sendum Þórunni Antoníu innilegar batakveðjur.
