Nú klukkan 15:00 að íslenska tíma sló klukkan miðnætti í Japan og því nýtt ár gengið í garð. Samhliða hinu hefðbundna tímatali sem við þekkjum hér halda Japanir fast í sitt gamla ártalskerfi sem miðar við embættistökuafmæli þess keisara sem situr hverju sinni. Nýr keisari tók við á síðasta ári og fagnaði sá því eins árs embættisafmæli í maí á þessu ári.

Það ætti ekki að koma neinum á óvart að Japanir leggja mikið upp úr hefðum og venjum og eru gamlárskvöldshefðir þar engin undantekning. Japanir borða gjarnan svokallað mochi í eftirrétt að hátíðarkvöldverði loknum. Mochi eru stöppuð hrísgrjón vafin í kökur og velt upp úr ýmsum sætindum.

Níu klukkustunda munur er á Íslandi og Japan. Næstu klukkutímana munu svo hátíðarhöldin færast nær okkur hér heima á Fróni þar til röðin kemur svo loks að okkur.