Í febrúar á þessu ári voru þeir Sigurður Þorberg Ingólfsson og Bogdan Catalin Nebeleac dæmdir fyrir sérstaklega hættulega líkamsárás í Héraðsdómi Reykjaness. Sigurður og Bogdan voru báðir dæmdir í skilorðsbundið fangelsi fyrir árásina, Sigurður fékk 10 mánuði en Bogdan fékk 8 mánuði.

Sigurður áfrýjaði dómnum til Landsréttar en Bogdan hefur ekki áfrýjað dómnum. Landsréttur felldi sinn dóm í málinu í dag en áfrýjuvaldið krafðist þess að refsing Sigurðar yrði þyngd. Sigurður krafðist aðallega sýknu af kröfum ákæruvaldsins en til vara krafðist hann að honum yrði gerð vægasta refsing sem lög leyfa.

Þá krafðist Sigurður þess einnig aðallega að skaðabótakröfum brotaþola yrði vísað frá en til vara krafðist hann þess að þær yrðu lækkaðar. Sigurði og Bogdan var gert að greiða brotaþolunum samtals 650 þúsund krónur í skaðabætur vegna árásarinnar.

Beitti parið grófu ofbeldi

Árásin sem um ræðir fór fram í Laugardalnum í maí árið 2016. Fram kemur í dóm Héraðsdóms að sonur Sigurðar Þorbergs hafi einnig tekið þátt í árásinni en hann fékk þó ekki dóm fyrir hana. Þá segir að Sigurður hafi opnað hurð á bíl, ökumannsmegin, og slegið ökumannin ítrekað með hamri, bæði í höfuð og annars staðar á líkamann.

Bogdan opnaði farþegahurðina í kjölfarið og sló farþega bifreiðarinnar margsinnis í höfuðið með hnúajárni. Hann sló einnig ökumanninn með hnúajárninu í andlitið þegar hann ætlaði að verja farþegann fyrir barsmíðunum.

Lesa meira: Sigurður, sonur hans og Bogdan réðust á par með hamri, hnúajárni og piparúða – Hélt að hann myndi berja sig til bana

Ökumaðurinn og farþeginn í bílnum voru par, maður og kona, en maðurinn var við stýrið á meðan konan sat í farþegasætinu.

Áfrýjunin bar ekki árangur

Ekki er hægt að segja að Sigurður hafi grætt neitt á því að áfrýja málinu því Landsréttur úrskurðaði í dag að dómurinn skyldi vera óraskaður.

Sigurður þarf að greiða allan áfrýjunarkostnað málsins, alls 560.180 krónur. Þar með eru talin málsvarnarlaun skipaðs verjanda Sigurðar.