fbpx
Laugardagur 28.maí 2022
Fréttir

Sigurður, sonur hans og Bogdan réðust á par með hamri, hnúajárni og piparúða – Hélt að hann myndi berja sig til bana

Máni Snær Þorláksson
Miðvikudaginn 17. febrúar 2021 18:35

Árásin fór fram í Laugardalnum - Mynd/Sigtryggur Ari

Ekki missa af Helstu tíðindum dagsins í pósthólfið þitt

Lesa nánar

Þeir Sigurður Þorberg Ingólfsson og Bogdan Catalin Nebeleac voru dæmdir fyrir „sérstaklega hættulega líkamsárás“ í Héraðsdómi Reykjaness í dag. Í dómnum kemur einnig fram að sonur Sigurðar hafi einnig tekið þátt í árásinni sem um ræðir.

Samkvæmt dómnum fór árásin fram í Laugardalnum í maí árið 2016. Þar segir að Sigurður hafi opnað hurð á bíl, ökumannsmegin, og slegið ökumanninn margsinnis með hamri í höfuð og víðs vegar um líkamann. Þá segir að Bogdan hafi opnað farþegahurðina og slegið farþegann ítrekað í höfuðið með hnúajárni. Bogdan sló einnig ökumanninn með hnúajárninu í andlitið þegar hann reyndi að verja farþegann fyrir höggunum.

Miðað við það sem kemur fram í dómnum voru brotaþolarnir par, maður og kona, þar sem maðurinn er titlaður sem sambýlismaður konunnar. Maðurinn var ökumaður bílsins en konan var farþegi. Maðurinn var marinn yfir enni, hægra og vinstra megin, með eymsli yfir nefbryggju, marinn á öxl og framhandlegg, með lítinn skurð á olnboga og minniháttar mar á vinstra mjaðmarsvæðinu. Konan hlaut eymsli yfir höfði sínu og hægri kinn.

Maðurinn segir að tveir af árásarmönnunum hafi verið Sigurður og sonur hans sem ekki er nafngreindur í dómnum. Maðurinn segir þá að á meðan Sigurður hafi lamið sig með hamrinum hafi sonur hans sprautað á hann með táragasi. Í dómnum kemur fram að maðurinn hafi verið mjög óttasleginn og að hann hafi talið að Sigurður myndi ekki hætta fyrr en hann væri búinn að berja sig til bana með hamrinum.

Þeir Sigurður og Bogdan neituðu báðir sök fyrir dómi. Sigurður sagði til að mynda að hann og sonur hans hafi líklega verið heima hjá sér þegar árásin átti sér stað. Þrátt fyrir það voru þeir báðir sakfelldir fyrir árásina en í dómnum segir að ekkert hafi komið fram í málinu sem bendir til þess að fullyrðingar brotaþola varðandi árásarmennina hafi verið rangar.

„Framburðir beggja ákærðu í málinu ekki trúverðugir og verða framburðir þeirra ekki lagðir til grundvallar þegar komist verður að niðurstöðu í málinu,“ segir í dómnum.

Sigurður var dæmdur í 10 mánaða skilorðsbundið fangelsi fyrir árásina en Bogdan var dæmdur í 8 mánaða skilorðsbundið fangelsi. Brotaþolar kröfðust þess að fá samtals eina og hálfa milljón í skaðabætur en þeim Sigurði og Bogdan var gert að greiða þeim samtals 650 þúsund krónur í skaðabætur. Þá var þeim einnig gert að greiða brotaþolum samtals 400 þúsund krónur í málskostnað.

Lokað er fyrir athugasemdir
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 3 dögum

Bandaríkjastjórn íhugar að senda sérsveitarmenn til Úkraínu

Bandaríkjastjórn íhugar að senda sérsveitarmenn til Úkraínu
Fréttir
Fyrir 3 dögum

Forsetinn vildi ekki hitta Gunnar vegna sómölsku kvennanna sem á að vísa úr landi

Forsetinn vildi ekki hitta Gunnar vegna sómölsku kvennanna sem á að vísa úr landi
Fréttir
Fyrir 3 dögum

Ákærður fyrir að reyna að koma fölsuðum peningaseðlum í umferð

Ákærður fyrir að reyna að koma fölsuðum peningaseðlum í umferð
Fréttir
Fyrir 3 dögum

Þunguð kona sleppur við brottvísun að sinni

Þunguð kona sleppur við brottvísun að sinni