Micah Richards, fyrrverandi leikmaður Man City og enska landsliðsins, segir að liðið þurfi að einbeita sér að grundvallaratriðum fótboltans og ákveða hvort eigi að víkja Ole Gunnar Solskjaer úr starfi eða ekki.
United er í 7. sæti ensku úrvalsdeildarinnar eftir 5-0 tap gegn Liverpool á heimavelli.
„Þetta eru einstaklingar, ekki lið,“ sagði Richards á BBC Radio 5 Live. „Þeir vilja allir vera stjarnan í liðinu í stað þess að gera einfalda hluti eins og hlaupa og tækla.“
Richards viðurkenndi að hann finnur til með Solskjaer sem hefur verið mikið gagnrýndur undanfarið og kallað hefur verið eftir afsögn hans.
„Hann er goðsögn hjá félaginu svo það var alltaf að fara að vera erfitt þegar gengið er svona,“ bætti Richards við. „Ábygðin hlýtur að liggja hjá þjálfaranum, sumt af því sem átti sér stað í leiknum var fáránlegt, einföld mistök. Þeir vissu ekki hvenær þeir áttu að pressa og hvernig þeir áttu að liggja til baka og það lítur út fyrir að Ole viti ekki hvað eigi til ráðs að taka.
Þeir verða annað hvort að standa við bakið á honum út tímabilið eða ráða einhvern í hans stað. Ég finn til með honum, hann er goðsögn hjá félaginu en virkar ráðalaus. Ef það er ekki hægt að leysa þetta verða þeir að horfa fram á við.“
