Eldur er kominn upp í Bríetartúni 11 í Reykjavík. Allt lið slökkviliðs hefur verið kallað út á staðinn.
Mbl.is hefur eftir slökkviliðinu á Höfuðborgarsvæðinu að ekki sé hægt að veita frekari upplýsingar að svo stöddu.
Dælubílar eru mættir á svæðið og vinna að því að kveða eldinn niður.
Lesandi DV sendi meðfylgjandi mynd en þar má sjá svartan reyk koma úr íbúð í húsinu.
Uppfært: 20:08
Mbl.is greinir frá því að búið sé að ná tökum á eldinum og að enginn reykur berist lengur fra íbúðinni. Umrædd íbúð mun þá vera gríðarlega illa farin.