Ellefu tilvik um kynferðislega áreitni eða ofbeldi hafa komið upp hjá Landsvirkjun á seinustu fjórum árum. Kjarninn greinir frá þessu.
Landsvirkjun er með skilgreinda viðbragðsáætlun sem fer af stað þegar svona mál koma upp en hún er hluti af stjórnunarkerfi fyrirtækisins. Fram kemur hjá Kjarnanum að samkvæmt starfsmannakönnunum þekki starfsfólk vel til áætlunarinnar.
Fyrirtækið hefur þurft að nýta sér þetta verklag ellefu sinnum á seinustu fjórum árum en þremur málum lauk með starfslokum, tveimur með sátt, tveimur með munnlegri áminningu, tveimur með skriflegri áminningu og tvö mál sem voru leyst með öðrum hætti.
„Stöðugt er unnið að fræðslu og forvörnum innan fyrirtækisins varðandi þennan málaflokk, m.a. með vinnu á áhættumati, reglulegri fræðslu um málaflokkinn og öruggri óháðri veitu/leið fyrir starfsfólk að leita til ef upp koma mál,“ segir í svari Landsvirkjunar við fyrirspurn Kjarnans.
Tveimur málum lauk með sátt, tveimur með munnlegri áminningu, tveimur með skriflegri áminningu, þremur málum lauk með starfslokum og tvö mál sem sneru að ytri aðilum voru leyst með öðrum hætti.
