Nú er í gangi leikur Barcelona og Real Sociedad. Þegar þetta er skrifað er staðan 1-0, Barcelona í vil.
Barcelona hefur verið í miklum fjárhagsvandræðum upp á síðkastið og gat félagið ekki samið við Lionel Messi vegna þess. Stuðningsmenn fengu ekki almennilegt tækifæri til þess að kveðja þennan frábæra leikmann og heiðruðu hann því á leiknum í kvöld.
Á 10. mínútu mátti heyra „Messi, Messi“ hrópað um allan völl og klappað hressilega til að heiðra þennan frábæra leikmann sem hafði hingað til spilað allan ferilinn fyrir Barcelona.
Barcelona fans are chanting Lionel Messi's name in the 10th minute 😍 pic.twitter.com/TchTC6K2BA
— SPORTbible (@sportbible) August 15, 2021