Valur vann stórleikinn gegn Breiðabliki í Pepsi Max-deild kvenna í kvöld. Valskonur eru komnar í ansi góða stöðu hvað Íslandsmeistaratitilinn varðar eftir sigurinn.
Málfríður Anna Eiríksdóttir skoraði eina mark leiksins á 12. mínútu. Markið skoraði hún með skalla eftir sendingu frá Dóru Maríu Lárusdóttur.
Blikar gerðu atlögu að marki Vals á lokamínútum leiksins en allt kom fyrir ekki.
Valur er nú með 38 stig, 7 stiga forskot á toppi deildarinnar. Breiðablik er í öðru sæti.
Bæði lið eiga eftir að leika þrjá leiki. Það er því afar hæpið að Blikakonur nái Val úr þessu.
