Sonur Michael Ballack, Emilio, lést í nótt, 18 ára gamall. Hann varð fyrir slysi á fjórhjóli.
Atvikið átti sér stað í Troia, suður af Lissabon í Portúgal. Faðir Emilio, Michael, á hús í grendinni.
Ballack þekkja flestir knattspyrnuáhugamenn. Hann lék fyrir þýska stórliðið Bayern Munchen á árunum 2002 til 2006.
Eftir það kom hann í ensku úrvalsdeildina og lék með Chelsea frá 2006 til 2010.
Þá á Ballack hátt í 100 landsleiki að baki fyrir hönd Þýskalands.
