Englendingar eru komnir í úrslit Evrópumótsins í fótbolta í fyrsta sinn eftir spennandi leik á Wembley vellinum í London í kvöld.

Mikkel Damsgaard kom Dönum yfir á 30. mínútu með frábæru marki úr aukaspyrnu. Það tók Englendinga ekki langan tíma að jafna metin þegar að Simon Kjaer, fyrirliði Dana, setti boltann í eigið net eftir fyrirgjöf frá Bukayo Saka níu mínútum síðar.

Staðan var 1-1 í hálfleik og mikil spenna í loftinu.

Bæði lið héldu áfram að sækja í seinni hálfleik en Englendingar réðu lögum og lofum allt frá 70. mínútu eða svo. Þeim tókst þó ekki að skora í venjulegum leiktíma og tók framlenging við.

Danir voru augsýnilega farnir að þreytast og ekki bætti úr skák þegar að Jack Grealish og Phil Foden komu inn á fyrir Englendinga. Heimamenn fengu víti á á 102. mínútu þegar að Joakim Maehle braut á Raheem Sterling í teignum. Danir voru ósáttir við dóminn og var atvikið skoðað í VAR herberginu en vítið stóð. Harry Kane tók spyrnuna og Kasper Schmeichel varði frábærlega frá honum áður en Kane fylgdi spyrnunni eftir og kom Englendingum í 2-1 og þar við sat.

Englendingar mæta því Ítölum í úrslitaleiknum á sunnudaginn kemur.

England 2 – 1 Danmörk

0-1 Damsgaard (’30)
1-1 Kjaer (sjálfsmark)  (’39)
2-1 Kane (‘104)